ഏതൊരു യാത്രാപ്രേമിക്കും അവരുടേതായ ഒരു ട്രാവൽ ബക്കറ്റ് ലിസ്റ്റ് ഉണ്ടായിരിക്കും. അതിൽ പോകേണ്ട സ്ഥലങ്ങളും അടയാളപ്പെടുത്തിയിരിക്കും. ഇനി ആ യാത്രാപ്രേമി സാഹസികത കൂടി ഇഷ്ടപ്പെടുന്നയാളാണെങ്കിൽ മനസിൽ ആദ്യം തെളിഞ്ഞു വരുന്ന സ്ഥലം ഏതായിരിക്കും? അതിനൊരൊറ്റ ഉത്തരമേയുള്ളൂ.. ലഡാക്ക് ! എന്നാൽ യാത്രാപ്രേമികളും അതിൽ സാഹസികത ഇഷ്ടപ്പെടുന്നവരും പോകാൻ റെഡിയായിക്കോളൂ.. ലഡാക്ക് ഉൾപ്പെടെയുള്ള സ്ഥലങ്ങൾ ഇതാ നിങ്ങളെ സ്വാഗതം ചെയ്യുന്നു..
ലഡാക്ക്
മഞ്ഞുപെയ്യുന്ന പുലരിയിൽ ബൈക്ക് എടുത്ത് ലഡാക്കിലേക്ക് ഒരു യാത്ര പോവാൻ ആഗ്രിക്കാത്തവർ ചുരുക്കമായിരിക്കും. അങ്ങനെ ആഗ്രഹിക്കുന്നവരാണ് നിങ്ങളെങ്കിൽ സ്പിതി താഴ്വരകളിലൂടെ ലഡാക്കിലേക്ക് യാത്ര പോകാം. ചുട്ടുപൊള്ളുന്ന മരുഭൂമിയിലൂടെയും മഞ്ഞുപെയ്തിറങ്ങുന്ന ചുരങ്ങളിലൂടെയും അതിസാഹികമായി ലഡാക്കിലെത്താം.
റോക്ക് ക്ലൈമ്പിംഗ്, ഹംപി
ചരിത്രം ഉറങ്ങുന്ന മണ്ണായ ഹംപിയിലും നിരവധി സാഹസികർ എത്താറുണ്ട്. ഹംപിയിൽ നിന്നും 150 കിലോമീറ്റർ ദൂരെയുള്ള ബദാമി റോക്ക് ക്ലൈമ്പിംഗിന് പേര് കേട്ടയിടമാണ്. കൂറ്റൻ കുന്നിൻ ചെരുവുകളിലൂടെ പറ്റിപ്പിടിച്ച് കയറാൻ ആഗ്രഹിക്കുന്നവർക്ക് പോകാൻ പറ്റിയ സ്ഥലമാണ് ബദാമി.
സ്കൂബ ഡൈവിംഗ്, ആൻഡമാൻ നിക്കോബാർ
കടലിനടിയിലെ മാസ്മരിക ലോകം കാണാൻ ആഗ്രഹിക്കുന്നവർക്ക് സ്കൂബ ഡൈവിംഗ് തിരഞ്ഞെടുക്കാം. ഇതിനായി ആൻഡമാൻ നിക്കോബാർ ദ്വീപിലേക്ക് യാത്ര പുറപ്പെട്ടോളൂ. നീന്തൽ അറിയുന്നവർക്കും അറിയാത്തവർക്കും ഇവിടെ വിദഗ്ധരുടെ മേൽനോട്ടത്തിൽ സ്കൂബ ഡൈവിംഗ് പരീക്ഷിച്ചു നോക്കാവുന്നതാണ്.
പാരാഗ്ലൈഡിംഗ്, ഹിമാചൽപ്രദേശ്
പറക്കാൻ ആഗ്രഹിക്കുന്നവർ ഒരിക്കല്ലെങ്കിലും പാരാഗ്ലൈഡിംഗ് ചെയ്യണമെന്ന് ആഗ്രഹിച്ചിട്ടുണ്ടാവും. നിരവധി പാരാഗ്ലൈഡിംഗ് സ്ഥലങ്ങൾ നമുക്ക് ചുറ്റിലുമുണ്ടെങ്കിലും ഹിമാൽപ്രദേശിലെ ബിർ ബില്ലിംഗ് ഗ്രാമത്തിലെ പാരാഗ്ലൈഡിംഗ് നിങ്ങൾക്ക് വേറിട്ടൊരു അനുഭൂതിയായിരും നൽകുക. കാൻഗ്ര മലനിരകളുടെ മുകളിലൂടെയുള്ള യാത്ര സാഹസികരെ ഇങ്ങോട്ട് കൂടുതലായി ആകർഷിക്കുന്നു.