വീണ്ടും സംവിധാന കുപ്പായമണിയാൻ ധനുഷ്; കൺസപ്റ്റ് പോസ്റ്റർ പുറത്ത്

വീണ്ടും സംവിധാന കുപ്പായമണിയാൻ ധനുഷ് ഒരുങ്ങുന്നു. ഡിഡി3 എന്നാണ് ചിത്രത്തിന് നൽകിയിരിക്കുന്ന പേര്. ചിത്രത്തിന്റെ കൺസപ്റ്റ് പോസ്റ്ററും തീയതിയും മാത്രമാണ് ഇപ്പോൾ പുറത്ത് വിട്ടിരിക്കുന്നത്. ധനുഷിന്റെ സോഷ്യൽ മീഡിയ പേജിലൂടെയാണ് പുതിയ സിനിമയെക്കുറിച്ച് പ്രഖ്യാപനം നടത്തിയിരിക്കുന്നത്.

കൺസപ്റ്റ് പോസ്റ്ററിൽ 24-12-2023 എന്ന് മാത്രമാണ് നൽകിയിരിക്കുന്നത്. കൃത്യം ഒരു വർഷം കഴിഞ്ഞ് അതായത് ഡിസംബർ 2024 ന് ചിത്രം റിലീസ് ചെയ്യുമെന്നും താരം വെളിപ്പെടുത്തിയിട്ടുണ്ട്. ചിത്രം ഒരു റൊമാന്റിക് ഡ്രാമയായിരിക്കുമെന്ന് സൂചന നൽകുന്നതാണ് പോസ്റ്റർ.

2017-ൽ പാ പാണ്ടി എന്ന ചിത്രത്തിലൂടെയാണ് ധനുഷ് സംവിധായകനായി അരങ്ങേറ്റം കുറിച്ചത്. രണ്ടാമത് റയാൻ എന്ന ചിത്രമായിരുന്നു സംവിധാനം ചെയ്തത്. റയാനിൽ വിഷ്ണു വിശാൽ, കാളിദാസ് ജയറാം എന്നിവരോടൊപ്പം ധനുഷും പ്രധാന വേഷത്തിൽ എത്തിയിരുന്നു.

#DD3 pic.twitter.com/IgXDIDReca

— Dhanush (@dhanushkraja) December 22, 2023