പാകിസ്താന് ഗവണ്മെന്റ് ദേശീയ ക്രിക്കറ്റ് ബോര്ഡിനെ രണ്ടുവര്ഷത്തേക്ക് വിലക്കിയെന്ന് വിവരം. പാകിസ്താന് സൂപ്പര് ലീഗിനും അന്താരാഷ്ട്ര മാദ്ധ്യമങ്ങള്ക്കും അവകാശങ്ങള് വില്ക്കുന്നതിനാണ് വിലക്ക്.ഏതൊരു ഇടപാട് നടത്തുന്നതിന് മുമ്പും സര്ക്കാരില് നിന്ന് അനുമതി നേടണമെന്ന് കാണിച്ച പിസിബിക്ക് കായികവകുപ്പ് നോട്ടീസ് അയച്ചിട്ടുണ്ട്. പിസിബിയുടെ പദ്ധതികള്ക്ക് വമ്പന് തിരിച്ചടിയാണ് സര്ക്കാരിന്റെ നീക്കം. നേട്ടീസിനെ തുടര്ന്ന് പിഎസ്എല്ലിന്റെ ഒമ്പതാം സീസണിന്റെ ഷെഡ്യൂളുകള് പിസിബിക്ക് പ്രഖ്യാപിക്കാനായില്ല.
അവകാശങ്ങള് വില്ക്കുന്നതില് നിന്ന് നല്ലൊരു വരുമാനം പിസിബി പ്രതീക്ഷിച്ചിരുന്നു. പിഎസ്എല് സംപ്രേക്ഷണാവകാശത്തിന്റെ ലേലവും വൈകുകയാണ്. പ്രധാനമന്ത്രിയും പിസിബി ചെയര്മാന് സാക്ക അഷ്റഫും ഇക്കാര്യത്തില് ചില ചര്ച്ചകള് നടത്തിയിട്ടുണ്ട്. അന്തിമ തീരുമാനങ്ങളൊന്നും എടുക്കാത്തതിനാല് ലേല നടപടികള് രണ്ടാഴ്ചത്തേക്ക് കൂടി നീട്ടിവച്ചിരിക്കുകയാണ്.