ഇസ്ലാമാബാദ് : ഇന്ത്യയിൽ നടക്കുന്ന ഭീകരാക്രമണങ്ങളുടെ സൂത്രധാരൻ അബ്ദുല്ല ഷഹീനെ അജ്ഞാതർ വാഹനമിടിപ്പിച്ച് കൊലപ്പെടുത്തി .
രണ്ട് ദിവസം മുമ്പ് പാകിസ്താനിലെ കസൂരിലാണ് സംഭവം. അപകടത്തെ തുടർന്ന് അബ്ദുല്ല ഷഹീൻ സംഭവസ്ഥലത്ത് തന്നെ മരിച്ചു. അജ്ഞാതരായ പുരുഷന്മാരാണ് വാഹനം ഓടിച്ചിരുന്നതെന്ന് പോലീസ് പറഞ്ഞു.
ലഷ്കർ-ഇ-ത്വയ്ബയുടെ മുൻനിര പരിശീലകനായിരുന്നു അബ്ദുല്ല ഷഹീൻ . ഭീകരസംഘത്തിൽ ജിഹാദി ഗുരു എന്നാണ് അബ്ദുല്ല ഷഹീൻ അറിയപ്പെട്ടിരുന്നത് . ഇന്ത്യയിൽ നടന്ന പന്ത്രണ്ടോളം ഭീകരാക്രമണങ്ങളിൽ അബ്ദുല്ല ഷഹീന് പങ്കുണ്ടെന്നാണ് സൂചന . അബ്ദുല്ല ഷഹീന്റെ മൃതദേഹത്തിന്റെ ചിത്രങ്ങളും പാകിസ്താൻ സോഷ്യൽ മീഡിയയിൽ പ്രചരിക്കുന്നുണ്ട്.