നയൻതാരയും ജെയ്‌യും പ്രധാനവേഷങ്ങളിലെത്തിയ അന്നപൂരണി ഇനി ഒടിടിയിൽ കാണാം. നിലേഷ് കൃഷ്ണ സംവിധാനം ചെയ്ത ചിത്രം നെറ്റ്ഫ്ലിക്സിലാണ് സ്ട്രീമിംഗ് ചെയ്യുക. ഡിസംബർ 29ന് ചിത്രം ഒടിടിയിൽ എത്തും. അന്നപൂരണിയിൽ ഷെഫിന്റെ വേഷത്തിലായിരുന്നു നയൻതാര എത്തിയത്.
ജതിൻ സേതി നിർമ്മിച്ച ചിത്രത്തിന്റെ കഥയും തിരക്കഥയും ഒരുക്കിയത് സംവിധായകൻ നിലേഷ് കൃഷ്ണ തന്നെയായിരുന്നു. ഛായാഗ്രാഹണം നിർവഹിച്ചത് സത്യ ഡിപിയാണ്. ഡിസംബർ 1 നായിരുന്നു ചിത്രം തീയേറ്ററുകളിൽ എത്തിയത്.
കെ എസ് രവികുമാർ, സുരേഷ് ചക്രവർത്തി ആരതി ദേശയി, രേണുക, കാർത്തിക് കുമാർ, പൂർണിമ രവി, ചന്ദ്രശേഖർ, റെഡിൻ തുടങ്ങിയവരും ചിത്രത്തിൽ ശ്രദ്ധേയമായ വേഷങ്ങളിൽ എത്തി. സംഗീതം എസ് തമന്റെയായിരുന്നു.
