സിയോൾ: ഓസ്കാർ ചിത്രമായ പാരസൈറ്റിലെ പ്രധാന അഭിനേതാവായിരുന്ന ലീസൺ-ക്യുനിനെ(48) മരിച്ച നിലയിൽ കണ്ടെത്തി. ദക്ഷിണ കൊറിയൻ നടനായ ലീസൺ-ക്യുനിന്റെ മൃതദേഹം സെൻട്രൽ സിയോൾ പാർക്കിലെ കാറിൽ കണ്ടെത്തിയതായി അസോസിയേറ്റ്
പ്രസ് റിപ്പോർട്ട് ചെയതു.
മയക്കുമരുന്നിന് അടിമയായ നടനെതിരെ ഇഞ്ചിയോൺ മെട്രോപൊളിറ്റൻ പോലീസ് ഏജൻസി നിയമ വിരുദ്ധ ലഹരി ഉപയോഗത്തിന് കേസ് എടുത്തിരുന്നു. ഒരു ബാറിലെ ഹോസ്റ്റസിന്റെ വീട്ടിൽ നിന്നും കഞ്ചാവും മയക്കുമരുന്നും ഉപയോഗിച്ചുവെന്നാരോപിച്ച് നടനെ പോലീസ് മൂന്ന് തവണ വിളിപ്പിച്ചിരുന്നു. താൻ കബളിപ്പിക്കപ്പെട്ടുവെന്നും താൻ എന്താണ് കഴിക്കുന്നതെന്ന് അറിയില്ലായിരുന്നുവെന്നും നടൻ പോലീസിനോട് പറഞ്ഞത്. താൻ ബ്ലാക്ക്മെയിലിന് ഇരയായതായും ലക്ഷക്കണക്കിന് ഡോളർ നഷ്ടപ്പെട്ടതായും ലീ അവകാശപ്പെട്ടിരുന്നു. നടിയായ ഭാര്യയേയും രണ്ട് മക്കളേയും ഉപേക്ഷിച്ച് ഒറ്റയ്ക്കായിരുന്നു ലീ താമസിച്ചിരുന്നത്.
2020ലണ് മികച്ച ചിത്രത്തിനുള്ള ഓസ്കാർ പാരസൈറ്റ് നേടിയത്. നാല് അക്കാദമി പുരസ്കാരങ്ങളാണ് ചിത്രം സ്വന്തമാക്കിയത്. കാൻ ഫിലിം ഫെസ്റ്റിവലിൽ പാം ഡി ഓർ പുരസ്കാരവും പാരസൈറ്റ് നേടി. ഈ ബഹുമതി നേടിയ ആദ്യത്തെ ദക്ഷിണ കൊറിയൻ ചിത്രമായി ഇത് മാറി.
പാരസൈറ്റിന്റെ വിജയത്തെ തുടർന്ന് , ആപ്പിൾ ടിവി+ ന്റെ ആദ്യത്തെ ദക്ഷിണ കൊറിയൻ സീരീസായ ഡോ ബ്രെയിനിൽ ലീ അഭിനയിച്ചു, 2022-ൽ ഇന്റർനാഷണൽ എമ്മി അവാർഡ്സിൽ മികച്ച നടനായി നോമിനേറ്റ് ചെയ്യപ്പെടുകയും ചെയ്തു. കൊറിയൻ സിനിമയിലെ അറിയപ്പെടുന്ന വ്യക്തിയായിരുന്നു ലീ.