ഇന്ത്യൻ സ്ട്രീറ്റ് പ്രീമിയർ ലീഗ്; ചെന്നൈ ടീമിനെ സ്വന്തമാക്കി നടൻ സൂര്യ

ഇന്ത്യൻ സ്ട്രീറ്റ് പ്രീമിയർ ലീഗിൽ ചെന്നൈ ടീമിനെ സ്വന്തമാക്കി നടിപ്പിൻനായകൻ സൂര്യ. താരം തന്നെയാണ് ആരാധകരോട് ഇക്കാര്യം പങ്കുവച്ചത്. നമുക്ക് ഒരുമിച്ച് നിന്ന് കായിക മികവിന്റെ ഒരു പുതുചരിത്രം സൃഷ്ടിക്കാമെന്ന് താരം സമൂഹമാദ്ധ്യമമായ എക്‌സിൽ കുറിച്ചു.

Vanakkam Chennai! I am beyond electrified to announce the ownership of our Team Chennai in ISPLT10. To all the cricket enthusiasts, let’s create a legacy of sportsmanship, resilience, and cricketing excellence together.

Register now at https://t.co/2igPXtyl29!🏏#ISPL @ispl_t10… pic.twitter.com/fHekRfYx0i

— Suriya Sivakumar (@Suriya_offl) December 27, 2023

‘ ഇന്ത്യൻ സ്ട്രീറ്റ് പ്രീമിയർ ലീഗ് ക്രിക്കറ്റിൽ ചെന്നൈ ടീമിന്റെ ഉടമസ്ഥാവകാശം സ്വന്തമാക്കിയ കാര്യം അറിയിക്കുകയാണ്. എല്ലാ ക്രിക്കറ്റ് പ്രേമികളും ചേർന്ന് നമുക്ക് കായിക മികവിന്റെ ഒരു പുതുചരിത്രം സൃഷ്ടിക്കാം’. എന്നായിരുന്നു സൂര്യ എക്‌സിൽ കുറിച്ചത്. ഐഎസ്പിഎല്ലിലേയ്‌ക്ക് രജിസ്റ്റർ ചെയ്യുന്നതിനുള്ള ലിങ്കും പോസ്റ്റിനൊപ്പം ചേർത്തു.

നേരത്തെ ഹൈദരാബാദ് ടീമിനെ സ്വന്തമാക്കിയ വിവരം പങ്കുവച്ച് നടൻ രാംചരൺ തേജ രംഗത്ത് വന്നിരുന്നു. മുംബൈ ടീം അമിതാഭ് ബച്ചനും ബെംഗളൂരു ടീം ഹൃത്വിക് റോഷനും ജമ്മു കശ്മീർ ടീം അക്ഷയ് കുമാറുമാണ് സ്വന്തമാക്കിയിരിക്കുന്നത്. 2024 മാർച്ച് 2 മുതൽ 9 വരെയാണ് ഐഎസ്പിഎൽ മത്സരങ്ങൾ നടക്കുന്നത്.