സോൾ: ഓസ്‌കർ നേടിയ പാരസൈറ്റ് എന്ന ചിത്രത്തിലെ നടൻ ലീ സൺക്യൂനിന്റെ മരണവുമായി ബന്ധപ്പെട്ട് 28 കാരിയായ യുവതി അറസ്റ്റിൽ. യുവതിയും സുഹൃത്തും ചേർന്ന് ബ്ലാക്ക് മെയിൽ ചെയ്തതിനെ തുടർന്നാണ് ലീ സൺക്യൂൻ ആത്മഹത്യ ചെയ്തതെന്നാണ് ലഭിച്ച സൂചന. പ്രതികളെ കുറിച്ചുള്ള വിശദാംശങ്ങൾ പോലീസ് വെളിപ്പെടുത്തിയിട്ടില്ല.
ബുധനാഴ്ച രാവിലെ സെൻട്രൽ സിയോളിലെ ഒരു പാർക്കിൽ നിർത്തിയിട്ടിരുന്ന കാറിലാണ് നടനെ അബോധാവസ്ഥയിൽ കണ്ടെത്തിയത്. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
മയക്കുമരുന്നിന് അടിമയായ നടനെതിരെ ഇഞ്ചിയോൺ മെട്രോപൊളിറ്റൻ പോലീസ് ഏജൻസി നിയമ വിരുദ്ധ ലഹരി ഉപയോഗത്തിന് കേസ് എടുത്തിരുന്നു. മൂന്ന് തവണ ചോദ്യം ചെയ്യാനും വിളിപ്പിച്ചിരുന്നു. ഉപയോഗിച്ചത് നിരോധിത ലഹരിയാണെന്ന് അറിയില്ലായിരുന്നുവെന്നാണ് നടൻ പോലീസിനോട് പറഞ്ഞത്‌.
