ന്യൂഡൽഹി: നിക്ഷേപ പദ്ധതികളുടെ 2024 ജനുവരി മുതലുള്ള പലിശനിരക്കുകൾ പ്രഖ്യാപിച്ച് കേന്ദ്ര സർക്കാർ. ചെറുകിട നിക്ഷേപ പദ്ധതികൾ, പോസ്റ്റ് ഓഫീസ് സ്കീമുകൾ എന്നിവയ്ക്കാണ് പുതിയ പലിശനിരക്കുകൾ ബാധകമാവുക. അടുത്ത വർഷത്തിലെ ജനുവരി- മാർച്ച് പാദത്തിലെ മാറ്റങ്ങളാണ് പ്രഖ്യാപിച്ചിരിക്കുന്നത്.
ചെറുകിട നിക്ഷേപ പദ്ധതികളുടെ പലിശനിരക്കുകൾ വർദ്ധിച്ചത് സാധാരണക്കാർക്കാവും കൂടുതൽ സഹായകരമാവുക. നിക്ഷേപ പദ്ധതികളുടെ പലിശ നിരക്കിൽ മാറ്റം വന്നാലും പബ്ലിക് പ്രൊവിഡന്റ് ഫണ്ടിന്റെ പലിശനിരക്കിൽ മാറ്റം വന്നിട്ടില്ല.
പത്ത് വയസ്സിൽ താഴെയുള്ള പെൺകുട്ടികൾക്കായുള്ള സമ്പാദ്യ പദ്ധതിയായ സുകന്യ സമൃദ്ധിയുടെ പലിശനിരക്കിൽ 8.2 ശതമാനം വർദ്ധനവാണ് ഉണ്ടായിരിക്കുന്നത്. പോസ്റ്റ് ഓഫീസ് വഴിയാണ് ഈ സ്കീമിൽ ചേരാൻ കഴിയുക. പെൺകുട്ടികളുടെ വിദ്യാഭ്യാസം, വിവാഹം തുടങ്ങിയവക്കുള്ള തുക ഇതുവഴി കണ്ടെത്താൻ സാധിക്കും.
