2024 ജൂണിൽ അമേരിക്കയിലും വെസ്റ്റിൻഡീസിലുമായി നടക്കുന്ന ടി20 ലോകകപ്പിന്റെ മത്സരക്രമം ചോർന്നതായി റിപ്പോർട്ടുകൾ. ടൂർണമെന്റിലെ ഇന്ത്യയുടെ മത്സരക്രമമാണ് പുറത്തുവന്നത്. ഈ റിപ്പോർട്ടുകൾ പ്രകാരം ജനുവരി 5നാണ് ഇന്ത്യയുടെ ആദ്യമത്സരം. അയർലൻഡാണ് എതിരാളികൾ. ചിരവൈരികളായ ഇന്ത്യ- പാകിസ്താൻ സൂപ്പർ പോരാട്ടം ജൂൺ 9നായിരിക്കുമെന്നാണ് ദേശീയ മാദ്ധ്യമങ്ങൾ റിപ്പോർട്ട് ചെയ്യുന്നത്.
രണ്ടാം ടി20 കീരിടം ലക്ഷ്യമിട്ടാകും ഇന്ത്യ ടൂർണമെന്റിനിറങ്ങുക. ജൂൺ 4 മുതൽ 30 വരെയാണ് ലോകകപ്പ്. 20 ടീമുകൾ ആദ്യമായാണ് ടി20 പോരാട്ടത്തിനിറങ്ങുന്നത്. ഐസിസി മത്സരക്രമം ഔദ്യോഗികമായി പ്രഖ്യാപിച്ചിട്ടില്ല. നിലവിൽ ഇംഗ്ലണ്ടാണ് ടി20 ചാമ്പ്യൻമാർ.
യുഎസിൽ ഗ്രൂപ്പ് ഘട്ട മത്സരങ്ങളും വെസ്റ്റിൻഡീസിൽ സൂപ്പർ 8 മത്സരങ്ങളും നടക്കുമെന്നാണ് റിപ്പോർട്ടുകൾ സൂചിപ്പിക്കുന്നത്. കലാശപ്പോരിന് ആതിഥേയത്വം വഹിക്കുക ബർബഡോസായിരിക്കും. സൂപ്പർ -8 മത്സരങ്ങൾക്ക് ഇന്ത്യ യോഗ്യത നേടിയാൽ ആദ്യ മത്സരം ജൂൺ 20ന് ബർബഡോസിൽ നടക്കും.
ഇന്ത്യയുടെ ഗ്രൂപ്പ് ഘട്ടമത്സരങ്ങൾ
ജൂൺ 5 ന് ന്യൂയോർക്ക്-( ഇന്ത്യ- അയർലൻഡ് )
ജൂൺ 9 ന് ന്യൂയോർക്ക്-( ഇന്ത്യ- പാകിസ്താൻ )
ജൂൺ 12 ന് ന്യൂയോർക്ക്-(ഇന്ത്യ- യുഎസ്എ)
ജൂൺ 15 ന് ഫ്‌ലോറിഡ- (ഇന്ത്യ- കാനഡ)
