ആലപ്പുഴ: വാഹനാപകടത്തെ തുടർന്നുണ്ടായ തർക്കത്തിൽ മർദ്ദനമേറ്റ് വയോധികന് മരണം. വീയപുരം സ്വദേശി ടി എം ജോസഫ് (62) ആണ് മരിച്ചത്. വൈകിട്ട് 7.30 -ടെ ഹരിപ്പാടായിരുന്നു സംഭവം. മർദ്ദനമേറ്റ് കുഴഞ്ഞുവീണ ജോസഫിനെ ഉടൻ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു. മൃതദേഹം നാളെ പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കുമെന്ന് പോലീസ് അറിയിച്ചു. സംഭവത്തിൽ ഒരാൾ പിടിയിലായി. വീയപുരം സ്വദേശി ദയാനന്ദനെയാണ് പോലീസ് കസ്റ്റഡിയിലെടുത്തത്.
