ന്യൂഡൽഹി: മാലിദ്വീപിലേക്കുള്ള ബുക്കിംഗ് നിർത്തിവെച്ച് ട്രാവൽ പ്ലാറ്റ്ഫോമായ ഈസ്മൈ ട്രിപ്പ്. പ്രധാനമന്ത്രി നരേന്ദ്ര മോദിക്കെതിരെ മാലദ്വീപിലെ മന്ത്രിമാർ നടത്തിയ അപകീർത്തികരമായ പ്രസ്താവനയിൽ പ്രതിഷേധിച്ച് മാലിദ്വിലേക്കുള്ള ബുക്കിംഗ് ഇനി സ്വീകരിക്കില്ലെന്ന് ഈസ്മൈ ട്രിപ്പ് സഹസ്ഥാപകൻ പ്രശാന്ത് പിട്ടി പ്രഖ്യാപിച്ചു. പ്രധാനമന്ത്രിയുടെ ലക്ഷദ്വീപ് സന്ദർശനത്തിന്റെ ഫോട്ടോ പങ്കുവെച്ചു കൊണ്ടാണ് അരുൺ പിട്ടി നിലപാട് വ്യക്തമാക്കിയത്.
ലക്ഷദ്വീപ് , അയോദ്ധ്യ എന്നിവയെ പ്രോത്സാഹിപ്പിക്കുന്നതിനായി പ്രത്യേക പദ്ധതി കമ്പനി നടപ്പാക്കുമെന്നും അദ്ദേഹം സമൂഹ മാദ്ധ്യമമായ എക്‌സിൽ കുറിച്ചു. നമ്മുടെ രാജ്യത്ത് നിന്ന് ഓരോ വർഷവും 3 ലക്ഷം വിനോദസഞ്ചാരികൾ മാലിദ്വീപിലേക്ക് യാത്രചെയ്യുന്നു, എന്നാൽ ഇനി ഈസ്മൈ ട്രിപ്പിലെ ഫീച്ചർ മാലിദ്വീപിൽ ഉപയോഗിക്കാൻ കഴിയില്ല. ലക്ഷദ്വീപിനെ പ്രചരിപ്പിക്കുന്നതിനായി അഞ്ച് പുതിയ പാക്കേജുകൾ ഈസ്മൈ ട്രിപ്പിൽ നൽകിയിട്ടുണ്ട്. ഡൽഹി, മുംബൈ, ബാംഗ്ലൂർ എന്നിവിടങ്ങളിൽ നിന്ന് ലക്ഷദീപിലേക്ക് എയർലൈനുകൾ നേരിട്ട് സർവീസ് നടത്തുന്നുണ്ട്, അദ്ദേഹം കൂട്ടിച്ചേർത്തു,
Water & beaches of Lakshadweep are as good as Maldives/Seychelles
We at @EaseMyTrip will come up with crazy special-offers to promote this pristine destination that our PM @narendramodi has recently visited! pic.twitter.com/T2ZTd52TOt
— Prashant Pitti (@ppitti) January 4, 2024
ലക്ഷദ്വീപിന് പുറമേ അയോദ്ധ്യയുടെ സാധ്യതകളെ പ്രയോജനപ്പെടുത്താനും ഈസ്‌മൈട്രിപ്പ് പ്രതിജ്ഞാബദ്ധമാണെന്ന് അരുൺ പിട്ടി കൂട്ടിച്ചേർത്തു. അമിതാഭ് ബച്ചൻ, രൺവീർ സിംഗ്, ശ്രദ്ധ കപൂർ, വരുൺ ധവാൻ, സൽമാൻ ഖാൻ, അക്ഷയ് കുമാർ, കങ്കണ റണാവത്ത്, ജോൺ എബ്രഹാം തുടങ്ങി നിരവധി താരങ്ങൾ എക്സ്പ്ലോർ ഇന്ത്യൻ ഐലൻഡ്സ് എന്ന ഹാഷ്ടാഗുമായി രംഗത്ത് വന്നിരുന്നു.
