മുംബൈ: താനെയിലുള്ള ഹിൽഗാർഡൻ അയ്യപ്പഭക്ത സംഘം എല്ലാ വർഷത്തെയും പോലെ ഈ വർഷവും തലോജയിലുള്ള പരം ശാന്തിദാം വൃദ്ധാശ്രമത്തോടൊപ്പം പുതുവർഷം ആഘോഷിച്ചു.
അന്തേവാസികൾക്കൊപ്പം പ്രാർത്ഥനകളിൽ പങ്കെടുത്ത് കേക്ക് മുറിച്ച് പുതുവത്സരം ആഘോഷിച്ചു. വൃദ്ധ സദനത്തിലെ അന്തേവാസികൾക്ക് ആവശ്യമായ കമ്പിളിപുതപ്പ്, തലയിണകവറുകൾ, തോർത്ത്, സോപ്പ്, സോപ്പൂപ്പൊടി, ബ്രഷ്, പേസ്റ്റ്, മാസ്ക്ക്, കലണ്ടർ എന്നിവ അടങ്ങിയ കിറ്റും സമ്മാനിച്ചു.കൂടാതെ അന്തേവാസികൾക്ക് സദ്യയും നൽകിയാണ് പ്രവർത്തകർ അവിടെ നിന്നും മടങ്ങിയത്.