ജയറാം നായകനായെത്തുന്ന ഓസ്ലർ തിയേറ്ററിലേക്കെത്താൻ ഇനി മണിക്കൂറുകൾ മാത്രമാണ് ബാക്കിയുള്ളത്. ചിത്രത്തിൽ മമ്മൂട്ടിയുണ്ടെന്ന തരത്തിലെ ചർച്ചകൾ ഇപ്പോഴും സമൂഹമാദ്ധ്യമങ്ങളിൽ ഉയരുന്നുണ്ട്. ഇതിനെല്ലാം അന്ത്യം കുറിക്കുന്ന ഒരു സൂചനയാണ് ജയറാം ഇപ്പോൾ നൽകിയിരിക്കുന്നത്.
മമ്മൂട്ടി സിനിമയിലുണ്ടെങ്കിൽ ആ സസ്പെൻസ് കളയാതിരിക്കുന്നതല്ലേ നല്ലതെന്നാണ് ജയറാം പറയുന്നത്. ഇന്നത്തെ കാലത്ത് പ്രേക്ഷകരില് നിന്ന് ഒന്നും മറച്ചുവെക്കാൻ കഴിയില്ലെന്നും നടൻ പറയുന്നുണ്ട്. ഒരു അഭിമുഖത്തിനിടയിലായിരുന്നു ജയറാം ഇക്കാര്യങ്ങൾ വെളിപ്പെടുത്തിയത്.
‘മമ്മൂട്ടി ആ സിനിമയില് ഉണ്ടെങ്കില് തന്നെ ആ സസ്പെന്സ് കളയാതിരിക്കുന്നതല്ലേ നല്ലത്. എവരിബഡി നോസ് എവരിതിങ്. ഇന്നത്തെ കാലത്ത് പ്രേക്ഷകരില് നിന്ന് ഒന്നും ഹൈഡ് ചെയ്യാന് പറ്റില്ല. അവര്ക്കറിയാം ഇങ്ങനെ ഒരു സാധനം സിനിമയില് ഉണ്ടെന്ന്. പടം കാണാന് വരുമ്പോള് അത് എവിടെയാണെന്ന് അറിയാന് വേണ്ടി ആദ്യം മുതല് വെയിറ്റ് ചെയ്യണം. അത് നമ്മള് കളയാന് പാടില്ല. തിയേറ്റര് പൂരപ്പറമ്പാകുന്ന ഒരു സമയമായിരിക്കും അത്.’- ജയറാം പറഞ്ഞു