ബംഗാൾ ഉൾക്കടലിലാണ് ആൻഡമാൻ ദ്വീപുകൾ സ്ഥിതി ചെയ്യുന്നത്. വാസ്തവത്തിൽ ഭൂമിയിലെ സ്വർഗമെന്ന് വിശേഷിപ്പിക്കാവുന്ന ഇടങ്ങളിലൊന്നാണ് ഇവിടം. ശാന്തതയും മനോഹാരിതയും നൽകുന്ന ബീച്ചുകൾ, വൈഡൂര്യത്തിന്റെ അത്ര തന്നെ ശോഭ നൽകുന്ന സമുദ്ര ജലം, വൈവിധ്യമാർന്ന സസ്യ ജന്തുജാലങ്ങൾ തുടങ്ങിയവയ്ക്ക് പേര് കേട്ട ഇടമാണ് ആൻഡമാൻ ദ്വീപുകൾ. ജീവിതത്തിൽ ഒരിക്കലെങ്കിലും കണ്ടിരിക്കേണ്ട സ്ഥലങ്ങളിലൊന്നാണ് ഇവിടം. ആദ്യമായി ആൻഡമാൻ ദ്വീപിലേക്ക് യാത്ര പുറപ്പെടുന്നവർ കണ്ടിരിക്കേണ്ട ചില ഇടങ്ങൾ ഇതാ..
1) ഹാവ്ലോക്ക് ദ്വീപ്
രാജ്യത്തെ പേരുകേട്ട ദ്വീപുകളിലൊനാനണ് സ്വരാജ് ദ്വീപ് എന്നറിയപ്പെടുന്ന ഹാവ്ലോക്ക് ദ്വീപ്. ഏഷ്യയിലെ ഏറ്റവും മികച്ച ബീച്ചുകളിൽ ഒന്നാണ് ഇത്. വാട്ടർ സ്പോർട്സ് ജലത്തിനടിയിലെ സാഹസികത ഇഷ്ടപ്പെടുന്നവർക്കും മികച്ചയിടമാണ് ഇവിടം
2) നീൽ ദ്വീപ്
ശാന്തത ആസ്വദിക്കാം, ആഘോഷിക്കാം. അതിന് അനുയോജ്യമായ ദ്വീപാണ് ഷഹീദ് ദ്വീപ് എന്നറിയപ്പെടുന്ന നീൽ ദ്വീപ്. ഭരത്പൂർ, ലക്ഷ്മൺപൂർ എന്നിവയാണ് ഇവിടുത്തെ മികച്ച രണ്ട് ബീച്ചുകൾ. സ്നോർക്കെല്ലിംഗിനും മറ്റ് സാഹസികതകൾക്കുമുള്ള അവസരവുമുണ്ട് ഇവിടെ.
3) റോസ് ദ്വീപ്
ആൻഡമാന്റെ തലസ്ഥാനമായ പോർട്ട് ബ്ലെയറിന് സമീപമാണ് റോസ് ദ്വീപ് അഥവ സുഭാഷ് ചന്ദ്രബോസ് ദ്വീപ്. ആൻഡമാന്റെ കൊളോണിയൽ ഭൂതകാലം വ്യക്തമാക്കുന്ന ഇവിടം സഞ്ചാരികളുടെ പ്രിയ ഇടമാണ്. ബ്രിട്ടീഷുകാരുടെ കാലത്തെ കെട്ടിടങ്ങളുടെ അവശിഷ്ടങ്ങൾ, പുരാതന പള്ളി തുടങ്ങിയവ കാണാനായി ആയിരങ്ങളാണ് ഇവിടെ എത്തിച്ചേരുന്നത്.
5) ജോളി ബോയ് ദ്വീപ്
പഞ്ചാര മണ്ണൽ തീരത്തിന് പേരു കേട്ട ഇടമാണ് ജോളി ബോയ് ദ്വീപ്. ആൻഡമാൻ ദ്വീപ് സമൂഹത്തിലെ പറുദീസയാണ് ഇവിടം. വിസ്മയം ജനിപ്പിക്കുന്ന പവിഴപ്പുറ്റുകളും വൃത്തിയുള്ള ബീച്ചുകളും ഇവിടുത്തെ പ്രത്യേകതയാണ്. സ്നോർക്കെല്ലിംഗും സ്കൂബ ഡൈവിംഗും എന്നിവയ്ക്കുള്ള അവസരവും ഇവിടെ ലഭിക്കും
6) ദിഗ്ലിപൂർ ദ്വീപ്
പോർട്ട് ബ്ലെയറിൽ നിന്ന് 320 കിലോമീറ്റർ അകലെ സ്ഥിതി ചെയ്യുന്ന ദ്വീപാണ് ഇത്. പരിസ്ഥിതി സൗഹൃദ ടൂറിസത്തിന് പേരു കേട്ട ഇവിടം പ്രകൃതി സ്നേഹികൾക്ക് അനുയോജ്യമാണ്. ഔട്ട്ഡോർ അഡ്വഞ്ചർ അമ്യൂസ്മെന്റ് പാർക്കിന് സമാനമാണ് ഇവിടം.
7) ബരാതാംഗ് ദ്വീപ്
സാഹസിക പ്രേമികൾക്ക് ബരാതാംഗ് ദ്വീപിലേക്ക് സ്വാഗതം. ബരാതാങ് ഗുഹകൾ എന്നറിയപ്പെടുന്നആകർഷകമായ ഗുഹകളും ഈ ദ്വീപിലുണ്ട്. നൂറ്റാണ്ടുകൾ പഴക്കമുള്ളതാണ് ഗുഹകൾ. ഇടതൂർന്ന കണ്ടൽക്കാടുകൾക്കിടയിലൂടെ ബോട്ടിൽ യാത്ര ചെയ്താൽ ഇവിടെ എത്താം. ഏറെ കഥകൾ പറയുന്ന ഗുഹകൾ സന്ദർശിക്കാം.
8) സിൻക്യൂ ദ്വീപ്
ശാന്തമായ അന്തരീക്ഷത്തിന് പേര് കേട്ടതാണ് സിൻക്യൂ ദ്വീപ്. വൈഡൂര്യ നിറത്തിലുള്ള ജലം ആരെയും ആകർഷിക്കും. മനോഹരമായ ബീച്ചുകളും കടൽ ജീവികളും പ്രത്യേക അനുഭൂതിയാകും നൽകുന്നത്. നോർക്കെലർമാർക്കും സ്കൂബ ഡൈവർമാർക്കും മികച്ച സ്പോട്ട്.
9) നോർത്ത് ബേ ദ്വീപ്
വാട്ടർ സ്പോർട്സ് പ്രേമികൾക്കിടയിൽ നോർത്ത് ബേ ദ്വീപ് ജനപ്രിയമാണ്. സ്നോർക്കെല്ലിംഗിനും സ്കൂബ ഡൈവിംഗിനും മികച്ച ഇടം. ദ്വീപിന് ചുറ്റുമുള്ള അനന്തമായ കാഴ്ചകൾ കണ്ട് ആസ്വദിക്കാൻ വിളക്കുമാടവും സജ്ജം.
