തിരുവനന്തപുരം: നരേന്ദ്രമോദിയുടെ കേരള സന്ദർശനത്തിന് ഏതാനും നിമിഷങ്ങൾ മാത്രം ബാക്കി നിൽക്കെ സൈബർ ലോകത്ത് സുസ്വാഗതം മോദി #SuswagathamModi എന്ന ടാഗ് തരംഗമാകുന്നു. ട്രെൻഡിങ് ഇൻഡെക്സുകളിൽ വൻ കുതിപ്പാണ് ഈ ടാഗ് രേഖപ്പെടുത്തുന്നത്.
ദക്ഷിണേന്ത്യൻ സംസ്ഥാനങ്ങൾ സന്ദർശിക്കുന്ന പ്രധാനമന്ത്രിക്ക് സ്വാഗതം ആശംസിച്ചു കൊണ്ട് ജനങ്ങൾ ഈ ടാഗുള്ള ട്വീറ്റുകൾ എക്സിലും മറ്റു സോഷ്യൽ മീഡിയ പ്ലാറ്റ്ഫോമുകളിലും ധാരാളമായി ഷെയർ ചെയ്യുകയാണ്.
നരേന്ദ്ര മോദിയുടെ തൃശ്ശൂർ സന്ദർശനവും റാലിയും വനിതാസമ്മേളനവും വലിയ ചലനമാണ് കേരളത്തിലാകമാനം ഉണ്ടാക്കിയത്. അന്ന് അതിനോടൊപ്പം തന്നെ സോഷ്യൽ മീഡിയയിലും മോദി തരംഗം ആഞ്ഞടിച്ചിരുന്നു. #SthreeShaktiWithModi എന്ന ഹാഷ്ടാഗ് മിനിട്ടുകൾക്കകമാണ് ട്വിറ്ററിൽ ട്രെൻഡിംഗ് റെക്കോർഡുകൾ തകർത്തത്. രാഷ്ട്രീയ അഭിപ്രായവ്യത്യാസങ്ങൾക്കപ്പുറം നരേന്ദ്ര മോദി ജനങ്ങൾക്കിടയിൽ ഒരു ആരാധ്യപുരുഷനാണ് എന്നതിന്റെ വ്യക്തമായ ദൃഷ്ടാന്തമായിരുന്നു അത്.
ഇന്നിതാ വീണ്ടും മോദി തരംഗം ട്വിറ്ററിനെ ഇളക്കിമറിച്ചിരിക്കുന്നു. #SuswagathamModi എന്ന ഇത്തവണത്തെ ട്രെൻഡിംഗ് ആയിരിക്കുന്ന ഹാഷ്ടാഗ് നിരവധി പ്രമുഖരാണ് ഉപയോഗിച്ചിരിക്കുന്നത്. മോദിയുടെ രണ്ടാംവരവ് കേരളത്തിലും സോഷ്യൽ മീഡിയയിലും ഒരുപോലെ ആഘോഷമാകുമ്പോൾ ഇടതിനേയും വലതിനേയും ഉപേക്ഷിച്ച് കേരളം ബിജെപിയോടൊപ്പം അണിചേരുമോ എന്ന ആശങ്കയിലാണ് പ്രതിപക്ഷപാർട്ടികൾ.
