മാറി വരുന്ന ജീവിതശൈലികളും ഫാസ്റ്റ് ഫുഡിനോടുള്ള മനുഷ്യന്റെ അമിതമായ ആസക്തിയും പുതുതലമുറയെ പല പ്രശ്നങ്ങളിലേക്കാണ് തള്ളിവിടുന്നത്. ഇതിൽ പ്രധാനമായും പലരും നേരിടുന്ന ഒരു പ്രശ്നമായിരിക്കും അമിതഭാരം. കൃത്യമായി വ്യായാമം ചെയ്യാതെ ഭക്ഷണപ്രിയരായി മാറുമ്പോൾ പലരും ഇത്തരം ബുദ്ധിമുട്ടുകൾ അനുഭവിക്കാറുണ്ട്. എങ്ങനെ അമിതഭാരവും കുടവയറും കുറയ്ക്കാമെന്ന ചിന്തയിലാണ് നിങ്ങളെങ്കിൽ ചില ഭക്ഷങ്ങൾ കഴിച്ചുകൊണ്ടു തന്നെ അമിതഭാരം കുറയ്ക്കാം..
ഓട്സ്
പ്രഭാതഭക്ഷണം ഒഴിവാക്കാതെ പോഷകഘടകങ്ങൾ അടങ്ങിയ ഭക്ഷണങ്ങൾ കഴിക്കുകയെന്നതാണ് കുടവയറും അമിതഭാരവും ഒഴിവാക്കാൻ ചെയ്യേണ്ടത്. അമിതഭാരമുള്ളവർ രാവിലെ ഓട്സ് കഴിക്കുന്നത് ശരീരത്തിന് നല്ലതാണ്. ധാരാളം ഫൈബർ ഘടകങ്ങൾ അടങ്ങിയിട്ടുള്ള ഒന്നാണ് ഓട്സ്. ഇത് വിശപ്പ് നിയന്ത്രിക്കുന്നതിനൊപ്പം ദഹനം മെച്ചപ്പെടുത്താനും സഹായിക്കുന്നു.
ഗ്രിൽഡ് പൈനാപ്പിൾ
അമിത ഭാരം കുറയ്ക്കുന്നതിനും കുടവയർ കുറയ്ക്കുന്നതിനും അത്യുത്തമാണ് കൈതച്ചക്ക. ഇത് കഷ്ണങ്ങളാക്കി അൽപം ചൂടാക്കി കഴിക്കുന്നതും നല്ലതാണ്. പൈനാപ്പിൾ അടങ്ങിയിട്ടുള്ള വിറ്റാമിൻ സി, ഫൈബർ ഘടകങ്ങൾ, ആന്റി- ഓക്സിഡന്റുകൾ തുടങ്ങിയവ ശരീരത്തിലെ അമിത കൊഴുപ്പ് കുറയ്ക്കാൻ സഹായിക്കുന്നു.
വറുത്ത നിലക്കടല
എണ്ണ ഉപയോഗിക്കാതെ വറുത്തെടുത്ത നിലക്കടല കഴിക്കുന്നത് ശരീരത്തിന് നല്ലതാണ്. എണ്ണ അടങ്ങിയ സ്നാക്സുകൾ ഒഴിവാക്കി നിലക്കടല പകരം കഴിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിച്ച് നിർത്താനും അമിതഭാരം കുറയ്ക്കാനും സഹായിക്കുന്നു. ഇതിനുപുറമെ ഹീമോഗ്ലോബിന്റെ അളവ് വർദ്ധിപ്പിക്കാനും തലച്ചോറിന്റെ പ്രവർത്തനങ്ങൾ കാര്യക്ഷമമാക്കാനും സഹായിക്കുന്ന ഒന്നാണ് നിലക്കടല.
സൂപ്പ്
ചിക്കൻ സൂപ്പ്, വെജിറ്റബിൾ സൂപ്പ്, തുടങ്ങി പലവിധത്തിലുള്ള സൂപ്പുകളുണ്ട്. അത്താഴത്തിന് ചോറ് ഒഴിവാക്കി ധാരാളം പോഷക ഘടകങ്ങളടങ്ങിയ സൂപ്പുകൾ കുടിക്കുന്നത് അമിത ഭാരം നിയന്ത്രിച്ച് നിർത്താൻ സഹായിക്കുന്നു.