ഡെറാഡൂൺ: മഞ്ഞിൽ മൂടി കിടക്കുന്ന ബദരീനാഥനെ തേടി അയോദ്ധ്യയിൽ നിന്ന് ക്ഷണം എത്തി. ജയ് ശ്രീരാം വിളികളൊടെയാണ് അക്ഷതവും ക്ഷണപത്രവും ബദരീനാഥിലെ സന്യാസിമാരും ഐടിബിപി ജവാൻമാരും വിശ്വഹിന്ദു പരിഷത്ത് നേതാക്കളിൽ നിന്ന് ഏറ്റുവാങ്ങിയത്.
മഞ്ഞു മൂടിയ ബദരിനാഥ് അക്ഷതം ഏറ്റുവാങ്ങുന്ന വീഡിയോ സമൂഹ മാദ്ധ്യമങ്ങളിൽ വൈറലാണ്. ഇന്തോ-ടിബറ്റ് സൈനികർക്കൊപ്പം, ഏതാനും സന്യാസിമാരുംം ഭരണകൂടത്തിന്റെ അനുമതിയോടെ ബദരീനാഥിൽ താമസിക്കുന്നുണ്ട്.
ചമോലിയിലെ ബദരീനാഥ് ധാമിൽ ഇന്ന് വൈകുന്നേരത്തോടെയാണ് കാലാവസ്ഥയിൽ മാറ്റമുണ്ടായത്. മനയിലെ ഇന്തോ-ടിബറ്റൻ ബോർഡർ പോലീസ് ഫോഴ്സ് ക്യാമ്പ് പൂർണ്ണമായും മഞ്ഞ് കൊണ്ട് മൂടിയ നിലയിലാണ്. കനത്ത ശൈത്യത്തിനാണ് പ്രദേശം സാക്ഷ്യം വഹിച്ചത്.
