ന്യൂഡൽഹി: ഇന്ത്യയിലെ ശക്തമായ ബ്രാൻഡുകളുടെ പട്ടികയിൽ ഒന്നാം സ്ഥാനം നിലനിർത്തി റിലയൻസ് ജിയോ. ബ്രാൻഡ് ഫിനാൻസിന്റെ ഗ്ലോബൽ- 500 2024 പുറത്തുവിട്ട റിപ്പോർട്ട് പ്രകാരം ലൈഫ് ഇൻഷുറൻസ്, സ്റ്റേറ്റ് ബാങ്ക് ഓഫ് ഇന്ത്യ എന്നിവയെക്കാൾ ശക്തമായ ഇന്ത്യൻ ബ്രാൻഡായി റിലയൻസ് തുടരുകയാണെന്ന് കണ്ടെത്തി. കഴിഞ്ഞ വർഷത്തെ കണക്കുകൾ പ്രകാരവും ശക്തമായ ഇന്ത്യൻ ബ്രാൻഡുകളുടെ പട്ടികയിൽ മുൻപന്തിയിൽ റിലയൻസ് തന്നെയായിരുന്നു.
2024-ലെ റിപ്പോർട്ടുകൾ പ്രകാരം ലോകത്തിലെ ഏറ്റവും ശക്തമായ ബ്രാൻഡുകളുടെ പട്ടികയിൽ റിലയൻസ് 17-ാം സ്ഥാനം കരസ്ഥമാക്കിയിട്ടുണ്ട്. വീ ചാറ്റ്, യൂട്യൂബ്, ഗൂഗിൾ, കൊക്ക-കോള, നെറ്റ്ഫ്ളിക്സ് തുടങ്ങിയവയാണ് പട്ടികയിൽ മുൻ നിരയിലുള്ളത്. എൽ.ഐ.സി ലോകത്തിലെ ശക്തമായ ബ്രാൻഡുകളുടെ പട്ടികയിൽ 23-ാം സ്ഥാനവും, സ്റ്റേറ്റ് ബാങ്ക് ഓഫ് ഇന്ത്യ 24-ാം സ്ഥാനവും സ്വന്തമാക്കിയിട്ടുണ്ട്. തൊട്ടുപിന്നാലെ ഇൻസ്റ്റഗ്രാമും പട്ടികയിൽ സ്ഥാനം ഉറപ്പിച്ചിരിക്കുന്നു.
ടെലികമ്മ്യൂഷിക്കേഷൻ രംഗത്ത് ഏതാനും വർഷങ്ങൾക്ക് മുമ്പ് കടന്നു വന്ന ജിയോ 14 ശതമാനം വർദ്ധനവോടെ 6.1 ബില്യൺ ഡോളർ മൂല്യത്തിലാണ് എത്തി നിൽക്കുന്നത്. ബ്രാൻഡ് കരുത്ത് സൂചികയിൽ 89.0 എന്ന സ്കോറോടെയാണ് ലോകത്തിലെ ശക്തമായ ബ്രാൻഡുകളുടെ പട്ടികയിൽ ജിയോ സ്ഥാനം ഉറപ്പിച്ചിരിക്കുന്നത്.