മലയാളികളുടെ പ്രിയതാരം ഉണ്ണി മുകുന്ദൻ പ്രധാന കഥാപാത്രമാകുന്ന ഏറ്റവും പുതിയ ചിത്രത്തിന്റെ ടൈറ്റിൽ പോസ്റ്ററും ഗ്ലിംപ്സ് വീഡിയോയും പുറത്തുവിട്ടു. ഗരുഡൻ എന്ന് പേരിട്ടിരിക്കുന്ന ചിത്രത്തിൽ ശശി കുമാറും സൂരിയും പ്രധാന വേഷങ്ങളിൽ എത്തുന്നുണ്ട്. സംവിധായകൻ വെട്രിമാരൻ തിരക്കഥ ഒരുക്കുന്ന ചിത്രം ദുരൈ സെന്തിൽ കുമാറാണ് സംവിധാനം ചെയ്യുന്നത്. ഒരു ഗ്രാമത്തിൽ നടക്കുന്ന കഥയാണ് ചിത്രത്തിൽ പറയുന്നത്.
സഹോദരങ്ങളുടെ വേഷത്തിലാണ് ചിത്രത്തിൽ ഉണ്ണി മുകുന്ദനും ശശി കുമാറും എത്തുന്നത്. ഇവരുടെ വിശ്വസ്തനായ ജീവനക്കാരന്റെ വേഷത്തിലാണ് സൂരി എത്തുന്നത്. വളരെ വ്യത്യസ്തമായ കഥാപാത്രങ്ങളെയാണ് ചിത്രത്തിൽ മൂന്ന് പേരും അവതരിപ്പിക്കുന്നത്. ആക്ഷന് പ്രാധാന്യം നൽകി ഒരുങ്ങുന്ന ചിത്രം ലാർക്ക് സ്റ്റുഡിയോസും ഗ്രാസ്‌റൂട്ട് ഫിലിം കമ്പനിയും ചേർന്നാണ് നിർമ്മിക്കുന്നത്.
View this post on Instagram
അടുത്തിടെയാണ് സിനിമയുടെ ചിത്രീകരണം ആരംഭിച്ചത്. രേവതി ശർമ്മ, ശിവദ, രോഷിണി ഹരിപ്രിയൻ, സമുദ്രക്കനി, മൈം ഗോപി, മൊട്ട രാജേന്ദ്രൻ എന്നിവരാണ് ചിത്രത്തിലെ മറ്റ് അഭിനേതാക്കൾ. ആക്ഷന് പ്രാധാന്യം നൽകി ഒരുങ്ങുന്ന ചിത്രത്തിന്റെ സംഗീതം യുവൻ ശങ്കർ രാജയാണ്.
