ഇന്ത്യൻ പ്രീമിയർ ലീഗിന്റെ (ഐപിഎൽ) ടൈറ്റിൽ സ്പോൺസർഷിപ്പ് അവകാശം ടാറ്റയ്ക്ക്. 2028 വരെയുള്ള സ്പോൺസർഷിപ്പ് അവകാശമാണ് ടാറ്റ സ്വന്തമാക്കിയിരിക്കുന്നതെന്നാണ് റിപ്പോർട്ട്. ആദിത്യ ബിർള ഗ്രൂപ്പ് മുന്നിൽ വച്ച ബിഡിനെക്കാൾ ഉയർന്ന തുകയാണിതെന്നാണ് റിപ്പോർട്ടുകൾ സൂചിപ്പിക്കുന്നത്.
2024- മുതൽ 2028 വരെയുള്ള ഐപിഎൽ ടെറ്റിൽ സ്പോൺസർഷിപ്പിനായി കഴിഞ്ഞ ഡിസംബർ 12നാണ് ബിസിസിഐ ടെൻണ്ടർ വിളിച്ചത്. അഞ്ച് വർഷത്തേക്ക് 1750 കോടി രൂപയാണ് ടെറ്റിൽ സ്പോൺസർഷിപ്പിനായി ബിസിസിഐ അടിസ്ഥാന വില നിശ്ചയിച്ചിരുന്നത്. ഒരു വർഷം നടക്കുന്ന 74 മത്സരങ്ങൾക്കായി 350 കോടി രൂപയാണ് ചെലവ് വരിക. കഴിഞ്ഞ രണ്ട് വർഷങ്ങളിൽ ഐപിഎൽ ടൈറ്റിൽ സ്പോൺസർഷിപ്പ് അവകാശങ്ങൾക്കായി ഏകദേശം 670 കോടി രൂപയാണ് ടാറ്റ നൽകിയത്.
ആദിത്യ ബിർള ഒരു വർഷത്തേയ്ക്ക് 500 കോടി എന്ന നിരക്കിൽ അഞ്ച് വർഷത്തേയ്ക്ക് 2500 കോടി രൂപയുടെ ബിഡാണ് സമർപ്പിച്ചത്. ഇതിനെ വെല്ലുന്ന ബിഡാണിപ്പോൾ ടാറ്റ സമർപ്പിച്ചിരിക്കുന്നത്.
