മുംബൈ : അയോദ്ധ്യ രാം ലല്ലയുടെ വിഗ്രഹം രൂപകൽപ്പന ചെയ്ത ശില്പി അരുൺ യോഗിരാജിനെ അഭിനന്ദിച്ച് നടി കങ്കണ റണാവത്ത് . തന്റെ ഇൻസ്റ്റാഗ്രാമിൽ രാം ലല്ലയുടെ വിഗ്രഹങ്ങൾ പങ്ക് വച്ചാണ് താരം വൈകാരികമായ കുറിപ്പ് പങ്ക് വച്ചത് .
താൻ സങ്കൽപ്പിച്ച അതേ തരത്തിലുള്ള വിഗ്രഹം തന്നെയാണിതെന്നും കങ്കണ പറഞ്ഞു. ‘ശ്രീരാമൻ ഒരു കൊച്ചുകുട്ടിയെപ്പോലെയായിരിക്കുമെന്ന് ഞാൻ എപ്പോഴും കരുതിയിരുന്നു, എന്റെ ഭാവന ഈ വിഗ്രഹത്തിലൂടെ പ്രകടിപ്പിക്കപ്പെട്ടു. അരുൺ യോഗിരാജ്, താങ്കൾ അനുഗ്രഹിക്കപ്പെട്ടവനാണ്.‘
‘ ഇത് എത്ര മനോഹരവും ആകർഷകവുമായ വിഗ്രഹമാണ്. അരുൺ യോഗിരാജ് ജിയുടെ മേൽ എത്രമാത്രം സമ്മർദ്ദം ഉണ്ടാകും? ദൈവത്തെ തന്നെ കല്ലിൽ ആവിഷ്ക്കരിക്കുന്നത് രാമന്റെ കൃപയാണ്. അരുൺ യോഗിരാജ് ജി ശ്രീരാമൻ തന്നെ നിങ്ങൾക്ക് ദർശനം നൽകിയിട്ടുണ്ട്. നീ അനുഗ്രഹിക്കപ്പെട്ടവനാണ്.” – കങ്കണ കുറിച്ചു.