ന്യൂഡൽഹി: ലോക രണ്ടാം നമ്പർ ജോഡിയായ സാത്വിക്-ചിരാഗ് സഖ്യം ഇന്ത്യ ഓപ്പണിന്റെ കലാശ പോരിന്. 2022ലെ ഏഷ്യൻ ഗെയിംസിന്റെ തനിയാവർത്തനമായിരുന്നു. മലേഷ്യയുടെ ആരോൺ ചിന-സോഹ് വൂയി യിക്ക് സഖ്യത്തെയാണ് ഇന്ത്യൻ ജോഡി തകർത്തുവിട്ടത്. സ്കോർ 21-18,21-14. ആദ്യ ഗെയിംമിൽ വിട്ടുകൊടുക്കാൻ തയാറാകാതിരുന്ന പോരാട്ടമായിരുന്നു ഇരു സഖ്യവും കാഴ്ചവച്ചത്.
കാണികൾക്ക് ആവേശം പകർന്ന സ്മാഷും സർവുകളുമായി ഇരു സഖ്യവും ചടുല വേവഗത്തിൽ കളംനിറഞ്ഞു. ചെറിയ പിഴവുകൾക്ക്പോലും വലിയ വില നൽകേണ്ടിവന്നു. എന്നാൽ ഒടുവിൽ വിജയം ഇന്ത്യൻ ജോഡിക്കൊപ്പം നിൽക്കുകയായിരുന്നു.
രണ്ടാം ഗെയിമിൽ മലേഷ്യൻ താരങ്ങൾ 10-6ന് മുന്നിട്ടു നിന്നെങ്കിലും കോമൺവെൽത്ത് ഗെയിംസിലെ സ്വർണ മെഡൽ ജേതാക്കൾ ഉടൻ തിരിച്ചുവന്നു. 29 ഷോട്ട് റാലിയിലായിരുന്നു വിജയം. ഫൈനലിൽ മുൻ ചാമ്പ്യന്മാർ ഉത്തര കൊറിയൻ ജോഡിയും ലോക ചാമ്പ്യന്മാരുമായ കാങ് മിൻ-സിയോ സെയുങ് സഖ്യത്തെയാണ് നേരിടുക.
