കേരളക്കര ആഘോഷമാക്കി മാറ്റിയ വിവാഹമായിരുന്നു താരപുത്രി ഭാഗ്യാ സുരേഷിന്റേത്. ജനുവരി 17 ന് ഗുരുവായൂർ ക്ഷേത്രത്തിൽ നടന്ന വിവാഹത്തിൽ പ്രധാനമന്ത്രിയും മലയാളത്തിന്റെ താരരാജാക്കന്മാരും സാക്ഷിയായിരുന്നു. ശേഷം കൊച്ചിയിൽ സിനിമാ താരങ്ങൾക്കായി പ്രത്യേക വിവാഹ വിരുന്നും ഏർപ്പെടുത്തിയിരുന്നു. മലയാള സിനിമയിലെ ഒട്ടുമിക്ക താരങ്ങളും വിവാഹ സൽക്കാരത്തിൽ പങ്കെടുത്തിരുന്നു.
View this post on Instagram
കൊച്ചിയിൽ നടന്ന വിവാഹ വിരുന്നിൽ നടൻ കുഞ്ചാക്കോ ബോബനും കുടുംബവും വേദിയിൽ എത്തിയപ്പോൾ നടന്ന ഒരു രസകരമായ സംഭവമാണ് ഇപ്പോൾ സമൂഹമാദ്ധ്യമങ്ങളിലടക്കം വൈറലാകുന്നത്. ഭാഗ്യാ സുരേഷ്, ചാക്കോച്ചന്റെ വലിയ ആരാധികയാണെന്നും അദ്ദേഹത്തിന്റെ വിവാഹ ദിവസം മകൾ ഒരുപാട് കരഞ്ഞെന്നും പറയുകയാണ് സുരേഷ് ഗോപി.
‘ചെറുപ്പം മുതലെ ഭാഗ്യ ചാക്കോച്ചന്റെ വലിയ ആരാധികയാണ്. ചാക്കോച്ചൻ പ്രിയയെ വിവാഹം കഴിച്ച ദിവസം അവൾ പൊട്ടിക്കരയുകയായിരുന്നു. ചാക്കോച്ചന്റെ അത്രയ്‌ക്ക് വലിയ ഫാനാണ് അവൾ. ആ പെൺകുട്ടിയാണ് ഇപ്പോൾ വിവാഹിതയായി ശ്രേയസിനൊപ്പം നിൽക്കുന്നത്. ഇപ്പോൾ ചാക്കോച്ചനും സകുടുംബം അവളുടെ സന്തോഷത്തിൽ പങ്കുചേർന്നിരിക്കുകയാണ്’. എന്നായിരുന്നു സുരേഷ് ഗോപിയുടെ വാക്കുകൾ.
