”ഭാരതീയർ മാത്രമല്ല, ലോകം മുഴുവൻ കാത്തിരിക്കുന്ന അസുലഭ മുഹൂർത്തം”; അയോദ്ധ്യയിലെത്തി ശങ്കർ മഹാദേവൻ

ലക്‌നൗ: ഭാരതം മാത്രമല്ല, ഈ ലോകം മുഴുവൻ അയോദ്ധ്യയിലെ അസുലഭ നിമിഷത്തിനായി കാത്തിരിക്കുകയാണെന്ന് പിന്നണി ഗായകനും സംഗീത സംവിധായകനുമായ ശങ്കർ മഹാദേവൻ. അയോദ്ധ്യയിലെ പ്രാണപ്രതിഷ്ഠാ ചടങ്ങിൽ പങ്കെടുക്കാൻ ക്ഷണിക്കപ്പെട്ട അതിഥിയായി ലക്‌നൗവിലെത്തിയപ്പോഴായിരുന്നു അദ്ദേഹത്തിന്റെ പ്രതികരണം.

”ഞങ്ങൾ അത്യധികം സന്തുഷ്ടരാണ്. ആകാംക്ഷയോടെ കാത്തിരിക്കുകയാണ്. സംസ്ഥാനത്തെ ക്ഷണിക്കപ്പെട്ട അതിഥികളായി ഇവിടെയെത്താൻ കഴിഞ്ഞത് അനുഗ്രഹമായി കാണുന്നു. ഭാരതത്തിന്റെ ചരിത്രത്തിലെ തന്നെ ഏറ്റവും വലിയ ചടങ്ങായി ഇതിനെ കാണുന്നു. ഇന്ത്യ മാത്രമല്ല, ഈ ലോകം മുഴുവൻ രാംലല്ലയുടെ പ്രാണപ്രതിഷ്ഠയ്‌ക്കായി കാത്തിരിക്കുകയാണ്.”- ശങ്കർ മഹാദേവൻ പറഞ്ഞു.

#WATCH | Lucknow, Uttar Pradesh | On Ayodhya Ram Mandir pranpratishtha, singer-composer Shankar Mahadevan says, "Not only the whole country but the whole world is waiting for this moment. We are so happy & excited and we feel blessed that we are state guests to be part of this. I… pic.twitter.com/1kkUtOkyV3

— ANI (@ANI) January 21, 2024

പ്രത്യേക ക്ഷണിതാവായി ഇവിടെയെത്താൻ സാധിച്ചതിൽ അത്യധികം അഭിമാനമുണ്ടെന്ന് നടി ഷെഫാലി ഷായും പ്രതികരിച്ചു. ഈ രാജ്യത്ത് നടക്കാൻ പോകുന്ന ഏറ്റവും വലിയ സാംസ്‌കാരിക ചടങ്ങാണിത്. ഭാരതീയരായതിൽ ഏറ്റവുമധികം അഭിമാനം തോന്നുന്ന നിമിഷമാണിത്. സമ്പന്നമായ നമ്മുടെ സംസ്‌കാരത്തെക്കുറിച്ച് നാം അജ്ഞരാണെന്നതാണ് വാസ്തവമെന്നും ഷെഫാലി ഷാ പറഞ്ഞു.

#WATCH | Lucknow, Uttar Pradesh | On Ayodhya Ram Mandir pranpratishtha, actor Shefali Shah says, "I am honoured to be here. This is one of the biggest cultural moments that our country and we, as Indians, can experience. It is a really big thing and I am feeling so proud, being… pic.twitter.com/6SX2mWoiUk

— ANI (@ANI) January 21, 2024

നാളെ നടക്കുന്ന പ്രാണപ്രതിഷ്ഠാ ചടങ്ങിൽ പങ്കെടുക്കാൻ ഭാരതത്തിന്റെ വിവിധ കോണുകളിൽ നിന്നുള്ള പ്രമുഖർ അയോദ്ധ്യയിലേക്ക് എത്തുകയാണ്. നാളെ ഉച്ചയ്‌ക്ക് 12.20 മുതൽ 12.50 വരെയുള്ള സമയത്താണ് രാംലല്ലയുടെ പ്രാണപ്രതിഷ്ഠ നടക്കുക.

सुन्दर, आकर्षक और भव्य राम मंदिर।

दुल्हन की तरह सजा राम मंदिर। #स्वागत_है_श्रीराम | #Ayodhya | #RamMandir | #SabKeRam | #RamJanmbhoomiMandir | #PranPratishtha | #RamBhaktiOnDD pic.twitter.com/p0QSqyYX1g

— Doordarshan National दूरदर्शन नेशनल (@DDNational) January 21, 2024