മഹാരാഷ്‌ട്രയുടെ മണ്ണിൽ വർണാഭം തീർത്ത് ശ്രീരാമ രംഗോലി; പ്രാണ പ്രതിഷ്ഠാ ചടങ്ങുകൾ ആഘോഷമാക്കി നാനാ മതസ്ഥർ..

മുംബൈ; പ്രാണ പ്രതിഷ്ഠാ ചടങ്ങിന് ശേഷം ജനങ്ങളെ കാണാനായി രാംലല്ല മിഴി തുറന്നിരിക്കുകയാണ്. ശ്രീരാമ ജന്മഭൂമി ഇന്ന് ചരിത്രത്തിന് സാക്ഷ്യം വഹിച്ചപ്പോൾ അയോദ്ധ്യയിലെ നിവാസികൾ മാത്രമല്ല രാജ്യത്തിലെ ഓരോ കോണിലുമുള്ള വിശ്വാസികളും പ്രൗഢ ഗംഭീരമായ ആഘോഷങ്ങളിൽ പങ്കുചേർന്നിരിക്കുകയാണ്. അത്തരത്തിൽ മുംബൈയിലെ ജനങ്ങളും ദശരഥരപുത്രനെ വരവേൽക്കുന്ന കാഴ്ചയാണ് സമൂഹ മാദ്ധ്യമങ്ങളിൽ ഇപ്പോൾ തരംഗം സൃഷ്ടിക്കുന്നത്.

10,000 ചതുരശ്ര അടിയിലുള്ള വർണാഭമായ രംഗോലിയാണ് പ്രാണ പ്രതിഷ്ഠാ ചടങ്ങിനോടനുബന്ധിച്ച് മുബൈയിലെ ജനങ്ങൾ ഒരുക്കിയത്. അയോദ്ധ്യയിലെ ഭവ്യമന്ദിരത്തിനു മുന്നിൽ അമ്പും വില്ലുമേന്തി നിൽക്കുന്ന ശ്രീരാമചന്ദ്രന്റെ രംഗോലിയാണിത്. മുംബൈയിലെ കോളിവാഡ പ്രദേശത്തെ ഭക്തരാണ് അയോദ്ധ്യാപതിക്ക് ഗംഭീരമായ സ്വീകരണം നൽകിയത്.

#WATCH | Maharashtra: A huge rangoli of around 10,000 square feet, of Lord Ram, made in the Sion Koliwada area of Mumbai. pic.twitter.com/n3ORrHAqfv

— ANI (@ANI) January 22, 2024

ഭാരതത്തിന്റെ വിവിധ കോണിൽ നിന്നു മാത്രമല്ല, ലോകത്തിന്റെ വിവിധ കോണുകളിലുള്ള പ്രമുഖ വ്യക്തികളടക്കം നിരവധി പേരാണ് ശ്രീരാമന്റെ തിരിച്ചു വരവിൽ സന്തോഷം പ്രകടിപ്പിച്ച് രംഗത്തെത്തിയത്. സാമൂഹ മാദ്ധ്യമ ഇൻഫ്ളുവൻസറും പ്രശസ്ത ഡാൻസുകാരനും ആഫ്രിക്കൻ രാജ്യക്കാരനുമായ കിലി പോളും ശുഭദിനത്തിൽ സന്തോഷം പങ്കുവച്ചിരുന്നു.