ചെമ്പടയോട് ബൈ പറയാൻ വിഖ്യാത പരിശീലകൻ; ഈ സീസണോടെ ലിവർപൂൾ വിടുമെന്ന് യൂർ​ഗൻ ക്ലോപ്പ്

ലണ്ടൻ ലിവർപൂളിന്റെ വിഖ്യാത പരിശീലകൻ യൂർ​ഗൻ ക്ലോപ് ക്ലബ് വിടും. ഈ സീസണൊടുവിൽ ആൻഫീൽഡിൽ നിന്ന് പടിയിറങ്ങുമെന്ന് ക്ലോപ്പ് തന്നെയാണ് വ്യക്തമാക്കിയത്. ക്ലബ് വെബ്സൈറ്റിൽ പങ്കുവച്ച ഒരു വീ‍ഡിയോയിലാണ് ഞെട്ടിപ്പിക്കുന്ന തീരുമാനം പരിശീലകൻ വ്യക്തമാക്കിയത്.

2015 ൽ ജർമ്മൻ ക്ലബ് ബൊറൂസിയ ഡോർമുണ്ടിൽ നിന്നെത്തിയ ക്ലോപ്പ് ലിവർപൂളിനെ യൂറോപ്പിലെ ആരും പേടിക്കുന്നൊരു ടീമാക്കുകയും വലിയ നേട്ടങ്ങളിലേക്ക് കൈപിടിച്ചുയർത്തുകയും ചെയ്തിരുന്നു. 30 വർഷത്തിനിടെ ആദ്യമായി ലിവർ പൂളിനെ പ്രീമിയർ ലീഗ് ചാമ്പ്യന്മാരാക്കിയത് ക്ലോപ്പായിരുന്നു. 2018-19 സീസണിൽ ചാമ്പ്യൻസ് ലീ​ഗ് കിരീടവും ലിവർപൂളിന്റെ തട്ടകത്തിലെത്തിച്ചു.

ക്ലബ് വേൾഡ് കപ്പ്, എഫ്എ കപ്പ്, കാരബാവോ കപ്പ് എന്നിവയും ക്ലോപ്പിന്റെ കീഴിലാണ് ക്ലബ് നേടിയത്. തന്റെ ഊർജത്തിന്റെ നല്ലൊരു ഭാ​ഗവും തീർന്നുവെന്നും ഇപ്പോൾ തനിക്ക് പ്രശ്നങ്ങളൊന്നുമില്ലെന്നുമാണ് തീരുമാനത്തെക്കുറിച്ച് ക്ലോപ്പ് പറഞ്ഞത്. ഏതെങ്കിലും സാഹചര്യത്തിൽ താൻ ഇത് പ്രഖ്യാപിക്കേണ്ടിവരും. അത് ഇപ്പോഴാകുന്നതിൽ എന്നെ സംബന്ധിച്ച് യതൊരു ബുദ്ധിമുട്ടുമില്ലെന്നും ക്ലോപ്പ് പറഞ്ഞു. ക്ലോപ്പിനൊപ്പം സഹപരിശീലകരും ക്ലബ് വിടും.

A message to Liverpool supporters from Jürgen Klopp. pic.twitter.com/l7rtmxgOzt

— Liverpool FC (@LFC) January 26, 2024

“>