അഹമ്മദാബാദ് : പ്രണയബന്ധം അവസാനിപ്പിച്ചതിന്റെ പകയിൽ കാമുകന് മേൽ ആസിഡ് ഒഴിച്ച് യുവതി . 51 കാരനായ രാകേഷ് ബ്രഹ്മഭട്ടിന് മേലാണ് 38 കാരിയായ കാമുകി മെഹ്സാബിൻ മൊഹ്സിൻ ആസിഡ് എറിഞ്ഞത് .
ഭാര്യയും, മക്കളുമുള്ള രാകേഷ് കഴിഞ്ഞ 5 വർഷമായി യുവതിയുമായി അടുപ്പത്തിലായിരുന്നു . ബസ് കണ്ടക്ടറായി ജോലി ചെയ്യുമ്പോഴാണ് ജുഹാപുരയിലെ ആയിഷ മസ്ജിദിന് സമീപമുള്ള അഞ്ജും പാർക്കിൽ താമസിക്കുന്ന മെഹ്സാബിനുമായി പ്രണയത്തിലായത്. രാകേഷിനോട് മെഹ്സാബിൻ മതം മാറാനും ആവശ്യപ്പെട്ടിരുന്നു . എന്നാൽ ഒരു വർഷം മുമ്പ് രാകേഷിന്റെ ഭാര്യയടക്കമുള്ള കുടുംബാംഗങ്ങൾ ഇവരുടെ പ്രണയം അറിഞ്ഞു. തുടർന്ന് മെഹ്സാബിനുമായുള്ള ബന്ധം രാകേഷ് അവസാനിപ്പിച്ചു .
ഇതിൽ കുപിതയായ മെഹ്സാബിൻ ഇന്നലെ വൈകിട്ട് രാകേഷിനു നേരെ ആസിഡ് ആക്രമണം നടത്തുകയായിരുന്നു . അഹമ്മദാബാദിലെ കലുപൂർ റെയിൽവേ സ്റ്റേഷന് സമീപമുള്ള അംദവദ് മുനിസിപ്പൽ ട്രാൻസ്പോർട്ട് സർവീസ് കൺട്രോൾ ക്യാബിനിൽ എത്തിയ യുവതി “എന്താ നിനക്ക് ഞാനുമായി ബന്ധം ഇല്ലേ?” എന്ന ചോദിച്ച ശേഷമാണ് ആസിഡ് എറിഞ്ഞത് .
വലത് കണ്ണിലും മുതുകിലും സ്വകാര്യ ഭാഗങ്ങളിലും പൊള്ളലേറ്റ രാകേഷിനെ അവിടെ കൂടിയിരുന്ന ആളുകൾ ചികിത്സയ്ക്കായി ജിസിഎസ് ആശുപത്രിയിൽ എത്തിച്ചു. സംഭവത്തിന് പിന്നാലെ പ്രതികൾ ഓടി രക്ഷപ്പെട്ടു . ഇവർക്കായി കലുപൂർ പോലീസ് തിരച്ചിൽ നടത്തുകയാണ്.
