- 25 കോടി ജനങ്ങളെ ദാരിദ്ര്യത്തിൽ നിന്ന് കരകയറ്റുന്നതിൽ മോദി സർക്കാർ വിജയിച്ചു
- 4 കോടി കർഷകർക്ക് വിള ഇൻഷുറൻസ് പദ്ധതിയുടെ ആനുകൂല്യം നൽകുകയും പ്രധാനമന്ത്രി സ്വാനിധി യോജന പ്രകാരം 78 ലക്ഷം വഴിയോര കച്ചവടക്കാരെ സഹായിക്കുകയും ചെയ്തു.
- 34 ലക്ഷം കോടി രൂപ ജൻധൻ അക്കൗണ്ട് വഴി നേരിട്ട് കൈമാറി
- അർഹരായ മധ്യവർഗ വിഭാഗങ്ങൾക്ക് സ്വന്തമായി വീട് നിർമിക്കാൻ സർക്കാർ സഹായം
- ഗവൺമെന്റ് ജിഡിപിയിൽ ശ്രദ്ധ കേന്ദ്രീകരിക്കും
- പണപ്പെരുപ്പം കുറഞ്ഞു, സാമ്പത്തിക വളർച്ച ഉയർന്നു
- അടുത്ത അഞ്ച് വർഷം ഇന്ത്യ അഭൂതപൂർവമായ സാമ്പത്തിക വളർച്ച കൈവരിക്കും
- പ്രതിരോധ ആവശ്യങ്ങൾക്കായി ഡീപ് ടെക് ശക്തിപ്പെടുത്തുന്നതിന് സർക്കാർ പുതിയ പദ്ധതി ആരംഭിക്കും.
- അർഹരായ മധ്യവർഗ വിഭാഗങ്ങൾക്ക് സ്വന്തമായി വീട് നിർമിക്കാൻ സർക്കാർ സഹായം നൽകും
- രാജ്യത്തിന്റെ ധനക്കമ്മി 5.8 ശതമാനമായി കുറഞ്ഞു
- പ്രധാനമന്ത്രി ആവാസ് പ്രകാരം 70 ശതമാനം വീടുകളും നൽകിയത് സ്ത്രീകൾക്ക്
- 38 ലക്ഷം കർഷകർക്ക് പ്രധാനമന്ത്രി സമ്പദ യോജനയുടെ പ്രയോജനം ലഭിച്ചു.
- 9 നും 14 നും ഇടയിൽ പ്രായമുള്ള പെൺകുട്ടികൾക്ക് സെർവിക്കൽ ക്യാൻസർ വാക്സിൻ നൽകും.
- ആയുഷ്മാൻ ഭാരതിന്റെ ആനുകൂല്യങ്ങൾ എല്ലാ ആശാ പ്രവർത്തകർക്കും അംഗൻവാടി ജീവനക്കാർക്കും നൽകും.
- ഒരു കോടി സോളാർ പാനൽ കുടുംബങ്ങൾക്ക് സൗജന്യ വൈദ്യുതി നൽകുന്ന പദ്ധതി നടപ്പിലാക്കും
- 3 കോടി വീടുകൾ നിർമ്മിക്കുക എന്ന സർക്കാരിന്റെ ലക്ഷ്യം കൈവരിച്ചു, അടുത്ത 5 വർഷത്തിനുള്ളിൽ 2 കോടി വീടുകൾ കൂടി നിർമ്മിക്കും
- റൂഫ് ടോപ്പ് സോളാർ പദ്ധതി പ്രകാരം 300 യൂണിറ്റ് വൈദ്യുതി ജനങ്ങൾക്ക് സൗജന്യമായി ലഭ്യമാക്കും
- സയൻസ്, ടെക്നോളജി,എഞ്ചിനീയറിംഗ്, മാത്തമാറ്റിക്സ് എന്നീ STEM കോഴ്‌സുകളിൽ ചേരുന്ന പെൺകുട്ടികളുടെ എണ്ണത്തിൽ 43 ശതമാനത്തിന്റെ വർദ്ധന. ലോകത്തിലെ തന്നെ ഏറ്റവും ഉയർന്ന കണക്കാണിത്
- 10 വർഷത്തിനിടെ ഉന്നത വിദ്യാഭ്യാസം നേടുന്ന പെൺകുട്ടികളുടെ എണ്ണത്തിൽ 28 ശതമാനം വർദ്ധന
- സ്കിൽ ഇന്ത്യ മിഷൻ വഴി 1.4 കോടി യുവാക്കൾക്ക് പരിശീലനം നൽകി. 54 ലക്ഷം യുവാക്കൾക്ക് നൈപുണ്യ പരിശീലനം നൽകി.
- 3000 പുതിയ ഐടിഐകൾ, ഏഴ് ഐഐടികൾ, 16 ഐഐഐടികൾ, ഏഴ് ഐഐഎമ്മുകൾ, 15 എയിംസ്, 390 സർവ്വകലാശാലകൾ സ്ഥാപിച്ചു
- 3 പുതിയ റെയിൽവേ സാമ്പത്തിക ഇടനാഴികൾ നിർമ്മിക്കും. ഊർജം, ധാതുക്കൾ, സിമൻറ് എന്നിവയ്‌ക്കായാണ് ഈ ഇടനാഴികൾ. പ്രധാനമന്ത്രി ഗതിശക്തി യോജനയ്‌ക്ക് കീഴിലാണ് പദ്ധതി
- പാസഞ്ചർ ട്രെയിനുകളുടെ പ്രവർത്തനം മെച്ചപ്പെടുത്തുകയും ട്രെയിനുകളിലെ യാത്ര സുരക്ഷിതമാക്കുകയും ചെയ്യും. 40,000 ജനറൽ റെയിൽവേ ബോഗികൾ വന്ദേ ഭാരത് നിലവാരത്തിലേക്ക് മാറ്റും
- പ്രതിരോധ ബജറ്റിൽ 11.1 ശതമാനം വർദ്ധനവ്, ഇത് 11,11,111 കോടി രൂപയായി ഉയർത്തി, ഇത് ജിഡിപിയുടെ 3.4 ശതമാനമാണ്
- ഈ വർഷത്തെ റവന്യൂ ചെലവ് 47.66 ലക്ഷം കോടി രൂപ, 10 വർഷത്തിനിടെ സർക്കാരിന്റെ നികുതി വരുമാനം ഇരട്ടിയിലേറെ വർധിച്ചു
- 10 വർഷത്തിനുള്ളിൽ വിമാനത്താവളങ്ങളുടെ എണ്ണം ഇരട്ടിയാക്കി, 1000-ലധികം പുതിയ വിമാനങ്ങൾക്ക് ഓർഡർ നൽകി
- നികുതി സ്ലാബിലും നികുതി വ്യവസ്ഥയിലും മാറ്റമില്ല
- 11.8 കോടി കർഷകർക്ക് പ്രധാനമന്ത്രി കിസാൻ സമ്മാൻ നിധി സർക്കാർ സഹായം നേരിട്ടെത്തിച്ചു
- ജിഎസ്ടിക്ക് കീഴിൽ വൺ നേഷൻ വൺ മാർക്കറ്റ് എന്ന നേട്ടം കൈവരിച്ചു
- ഇന്ത്യയ്‌ക്കും മിഡിൽ ഈസ്റ്റിനും യൂറോപ്പിനും ഇടയിൽ ഇടനാഴി യാഥാർത്ഥ്യമാക്കും
- എല്ലാവർക്കും വീട്, എല്ലാ വീട്ടിലും വെള്ളം, എല്ലാവർക്കും വൈദ്യുതി, എല്ലാവർക്കും പാചക വാതകം, എല്ലാവർക്കും ബാങ്ക് അക്കൗണ്ട് തുടങ്ങിയവ നേട്ടങ്ങൾ
