ന്യൂഡൽഹി: ഭാരതത്തിന്റെ വികസനത്തിൽ ഊന്നൽ നൽകുന്ന രണ്ടാം നരേന്ദ്രമോദി സർക്കാരിന്റെ അവസാന ബജറ്റ് പ്രഖ്യാപനത്തെ പ്രശംസിച്ച് മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര. വികസിത ഭാരതം ലക്ഷ്യം വച്ച് ആത്മവിശ്വാസത്തോടെയുള്ള പ്രഖ്യാപനങ്ങളാണ് ഇന്ന് നാം കേട്ടതെന്ന് അദ്ദേഹം കുറിച്ചു. സമൂഹമാദ്ധ്യമമായ എക്സിലൂടെയാണ് ബജറ്റിലെ പ്രഖ്യാപനങ്ങളെ സ്വാഗതം ചെയ്ത് അദ്ദേഹം പോസ്റ്റ് പങ്കുവച്ചത്.
” കൂടുതൽ നാടകീയതകളില്ല. ലളിതമായി വ്യക്തതയോടെ, ആത്മവിശ്വാസത്തോടെയുള്ള പ്രഖ്യാപനങ്ങൾ. ഭാരതത്തെ വികസനത്തിലേക്ക് നയിക്കുന്നതിനുള്ള പ്രഖ്യാപനങ്ങൾ. ബിസിനസുകളുടെ സ്ഥിരതയ്ക്കും വ്യവസാരംഗങ്ങളുടെ വളർച്ചയ്ക്കും ബജറ്റ് പ്രാധാന്യം നൽകുന്നതായി ശ്രദ്ധയിൽപ്പെട്ടു. പുതിയ നികുതിയോ ഡ്യൂട്ടി ചാർജുകളോ ഈ ബജറ്റിൽ ഏർപ്പെടുത്തിയിട്ടില്ല. ജിഡിപിക്ക് ആനുപാതികമായി നികുതി ലഭിക്കുന്നത് രാജ്യത്തിന്റെ സമ്പദ്വ്യവസ്ഥയിൽ പുരോഗതിയുണ്ടാക്കുന്നു. വികസനങ്ങൾ മുന്നിൽ കണ്ട് നവഭാരതം കെട്ടിയുയർത്താൻ നമുക്കും സമഗ്രമായി പങ്കുചേരാം..”- ആനന്ദ് മഹീന്ദ്ര കുറിച്ചു.
For many years, I have been saying that we create too much drama around the budget and raise expectations of policy announcements to an unrealistically feverish pitch.
The Budget is NOT necessarily the occasion for transformational policy announcements. Those can, and should,… pic.twitter.com/hfqxnw4IUa
— anand mahindra (@anandmahindra) February 1, 2024
കഴിഞ്ഞ ദശകത്തിൽ രാജ്യം കൈവരിച്ച നേട്ടങ്ങൾ ചൂണ്ടിക്കാട്ടിയാണ് ധനമന്ത്രി ബജറ്റ് പ്രഖ്യാപനങ്ങൾ നടത്തിയത്. സാമ്പത്തിക രംഗത്ത് കഴിഞ്ഞ പത്ത് വർഷത്തിനിടെ വൻ പുരോഗതിയാണ് കൈവരിക്കാൻ സാധിച്ചെന്നും ധനമനമന്ത്രി നിർമല സീതാരാമൻ പറഞ്ഞിരുന്നു. രാജ്യത്തെ പല മേഖലകളും ആധുനിക വത്കരിക്കാൻ സാധിച്ചതായും ആത്മനിർഭര ഭാരതത്തിനായി തുടക്കം കുറിക്കാൻ കേന്ദ്ര സർക്കാരിന് സാധിച്ചുവെന്നും ബജറ്റ് പ്രഖ്യാപനത്തിൽ ധനമന്ത്രി വ്യക്തമാക്കി.
