കൊല്ലം: സ്കൂൾ വിദ്യാർത്ഥികളെ അശ്ലീല ദൃശ്യങ്ങൾ കാണിച്ച് പീഡിപ്പിച്ച കേസിൽ അറബി അദ്ധ്യാപകൻ പിടിയിൽ. കുളത്തൂപ്പുഴ ട്രൈബൽ എൽപി സ്കൂളിലെ അദ്ധ്യാപകനായ ബാത്തിഷായാണ് പിടിയിലായത്. സ്കൂളിലെ മൂന്ന്, നാല് ക്ലാസുകളിൽ പഠിക്കുന്ന വിദ്യാർത്ഥികൾക്ക് നേരെയാണ് പ്രതി ലൈംഗികാതിക്രമം നടത്തിയത്. കാട്ടാക്കട പൂവച്ചൽ സ്വദേശിയായ പ്രതിയെ മടത്തറയിൽ വച്ചാണ് പോലീസ് പിടികൂടിയത്.
മൂന്ന് മാസം മുൻപാണ് ബാത്തിഷാ സ്കൂളിൽ അദ്ധ്യാപകനായി എത്തിയത്. ക്ലാസ് മുറിയിൽ വച്ച് വിദ്യാർത്ഥിനികളെ മൊബൈൽ ഫോണിൽ അശ്ലീല വീഡിയോകൾ കാണിച്ച് ലൈംഗികാതിക്രമം നടത്തിയെന്നാണ് കേസ്. പോക്സോ, പട്ടികജാതി പീഡന നിരോധന നിയമം എന്നിവയുൾപ്പടെ ചുമത്തിയാണ് പ്രതിയെ അറസ്റ്റ് ചെയ്തത്. പഠിപ്പിക്കുന്ന സമയത്തും ഇടവേളകളിലും ഇയാൾ പെൺകുട്ടികളെ അശ്ലീല വീഡിയോ കാണിച്ചിരുന്നു എന്നാണ് കുട്ടികളുടെ മൊഴി.