മുംബൈ : ആദ്യമായി അടൽ സേതു പാലം സന്ദർശിച്ച അനുഭവം പങ്ക് വച്ച് ആനന്ദ് മഹീന്ദ്ര . പാലത്തിൽ യാത്ര ചെയ്യുന്നതിന്റെ ദൃശ്യങ്ങളും ആനന്ദ് മഹീന്ദ്ര സമൂഹമാദ്ധ്യമത്തിൽ പങ്ക് വച്ചിട്ടുണ്ട് .
‘ അവസാനം കഴിഞ്ഞ വാരാന്ത്യത്തിൽ അടൽ സേതുവിൽ വണ്ടിയോടിക്കാൻ അവസരം കിട്ടി. വെള്ളത്തിൽ തെന്നിനീങ്ങുന്ന ഒരു ഹോവർക്രാഫ്റ്റ് ആണെന്ന് തോന്നിപ്പിക്കുന്ന ഒരു മികച്ച എഞ്ചിനീയറിംഗ്.
പകൽ സമയത്താണ് ഞാൻ പൂനെയിൽ നിന്ന് യാത്ര ചെയ്തതും മടങ്ങുന്നതും, അതിനാൽ വലതുവശത്തുള്ള വൈറൽ ചിത്രത്തിൽ കാണുന്നത് പോലെ സന്ധ്യാസമയത്ത് എനിക്ക് മനോഹരമായ കാഴ്ച അനുഭവിക്കാൻ കഴിഞ്ഞില്ല. എന്നാൽ അതും ചെയ്യും ഇനി . അധികം താമസിയാതെ..“ എന്നാണ് അദ്ദേഹത്തിന്റെ കുറിപ്പ് . നിരവധി പേരാണ് പോസ്റ്റിന് താഴെ കമന്റ് ചെയ്തിരിക്കുന്നത് .
ഇന്ത്യയിലെ ഏറ്റവും നീളം കൂടിയ കടൽപ്പാലമായ അടൽ സേതു ജനുവരി 12നാണ് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തത് ..