വെളിച്ചെണ്ണ ഉപയോഗിക്കാത്ത അടുക്കളപ്പുറങ്ങളുണ്ടോ എന്ന ചോദ്യത്തിന് ‘ ഇല്ല’ എന്നു തന്നെയായിരിക്കും ഉത്തരം. കറി ഏതായാലും പാചകം ചെയ്യുമ്പോൾ വെളിച്ചെണ്ണയിൽ പാചകം ചെയ്തില്ലെങ്കിൽ മിക്ക ആളുകൾക്കും രുചി തോന്നുകയില്ല. നാടൻ വെളിച്ചെണ്ണയിൽ ഉണ്ടാക്കിയെടുക്കുന്ന കറികൾക്ക് പ്രത്യേക രുചി തന്നെയായിരിക്കും. എന്നാൽ രുചിയുടെ കാര്യത്തിൽ മാത്രമല്ല, ശരീരത്തിന്റെ ആരോ?ഗ്യത്തിനും വെളിച്ചെണ്ണ മുൻപന്തിയിൽ തന്നെയാണ്. അറിയാം..
മോശം കൊളസ്ട്രോളിനെ നീക്കം ചെയ്ത് ശരീരത്തിനാവശ്യമായ കൊളസ്ട്രോൾ പ്രദാനം ചെയ്യുന്നതിൽ വെളിച്ചെണ്ണയ്ക്കുള്ള പങ്ക് വളരെ വലുതാണ്. ഹൃദയാരോഗ്യം മെച്ചപ്പെടുത്തുന്നതിനും വെളിച്ചെണ്ണ സഹായിക്കുന്നു. മെറ്റബോളിസം കൃത്യമാക്കി ശരീരഭാരം നിയന്ത്രിച്ചു നിർത്താൻ വെളിച്ചെണ്ണ ഉപയോഗിച്ചുള്ള കറികൾ കഴിക്കാം. എന്നാൽ അമിത അളവിൽ എണ്ണ ഉപയോഗിക്കുന്നില്ലെന്ന് പ്രത്യേകം ഉറപ്പു വരുത്തുക.
മുടിയുടെ അഴകിനും ആരോഗ്യത്തിനും വെളിച്ചെണ്ണ കാച്ചി ഉപയോഗിക്കുന്നത് നല്ലതാണ്. ഇതിനുപുറമെ തലച്ചോറിന്റെ പ്രവർത്തനങ്ങൾക്കുള്ള ഊർജ്ജം പ്രദാനം ചെയ്യുന്നതിനും വെളിച്ചെണ്ണ സഹായിക്കുന്നു.
വെളിച്ചെണ്ണയിൽ അടങ്ങിയിരിക്കുന്ന ലോറിക് ആസിഡിനും മോണോലോറിനും ആന്റിമൈക്രോബയൽ, ആൻറിവൈറൽ ഗുണങ്ങളുണ്ട്. വെളിച്ചെണ്ണ ഭക്ഷണത്തിൽ ഉൾപ്പെടുത്തുന്നത് പ്രതിരോധശേഷി വർദ്ധിപ്പിക്കുകയും അണുബാധകൾ, വൈറസുകൾ എന്നിവയെ ചെറുത്തു നിർത്താൻ സഹായിക്കുകയും ചെയ്യുന്നു. ആന്റി-ഇൻഫ്ളമേറ്ററി ഗുണങ്ങൾ വെളിച്ചെണ്ണയിൽ അടങ്ങിയിട്ടുള്ളതിനാൽ ദഹന പ്രശ്നങ്ങൾ തടഞ്ഞു നിർത്തുന്നതിനും ഈ എണ്ണ ഉപയോഗിച്ച് പാചകം ചെയ്ത കറികൾ കഴിക്കാം.