പൂനെ: കൊടുങ്കാറ്റും ചുഴലിക്കാറ്റും മിന്നൽ ചുഴലിയുമൊക്കെ നാം കണ്ടിരിക്കാം.. എന്നാൽ കൊതുകുചുഴലി നിങ്ങൾ കണ്ടിട്ടുണ്ടോ? അപൂർവ്വമായ ഈ പ്രതിഭാസം നടന്നത് പൂനെയിലെ മുതാ നദിക്ക് സമീപത്താണ്. നഗരത്തിലെ മുന്ദ്വാ, കേശവനഗർ, ഖരദി മേഖലകളിലാണ് പ്രതിഭാസമുണ്ടായത്.
Horrifying ‘mosquito tornado’ near Pune’s Keshav Nagar has sparked outrage, residents have demanded removal of hyacinths. Mosquito tornadoes like this have been reported from Central America and Russia usually during the rainy season.pic.twitter.com/n4SAwJlnzv
— Pune City Life (@PuneCityLife) February 10, 2024
സംഗതി കണ്ട് പ്രദേശവാസികൾ പരിഭ്രാന്തരാവുകയാണ് ആദ്യമുണ്ടായത്. നാളുകളേറെയായി കൊതുകശല്യം അനുഭവിക്കുന്നുണ്ടെങ്കിലും കൊതുകുകൾ ഒരു ചുഴലിക്കാറ്റായി മാറുന്ന കാഴ്ച അപ്രതീക്ഷിതമായിരുന്നുവെന്ന് അവർ പ്രതികരിച്ചു. കൊതുകനിവാരണത്തിനായി മേഖലയിൽ ശുചീകരണ പ്രവർത്തനങ്ങൾ പുരോഗമിക്കുകയാണ്. കെട്ടിക്കിടക്കുന്ന വെള്ളം കളയാനുള്ള ശ്രമങ്ങൾ തുടരുകയാണ് പൂനെ മുനിസിപ്പൽ കോർപ്പറേഷൻ.
മോസിക്വിറ്റോ ചുഴലിക്കാറ്റ് എന്നറിയപ്പെടുന്ന ഈ പ്രതിഭാസം ലോകത്തിന്റെ പലയിടങ്ങളിലും റിപ്പോർട്ട് ചെയ്യപ്പെടാറുണ്ട്. സെൻട്രൽ അമേരിക്ക, റഷ്യ എന്നിവിടങ്ങളിൽ മഴക്കാലത്ത് സാധാരണയായി കാണാറുള്ള പ്രതിഭാസമാണിത്.
