കൊൽക്കത്ത: ബിജെപി പ്രവർത്തകർക്കെതിരെയുള്ള പോലീസിന്റെ കടന്നാക്രമണത്തിൽ പശ്ചിമബംഗാൾ ബിജെപി അദ്ധ്യക്ഷൻ സുഖന്ത മജുംദാറിന് പരിക്ക്. കൊൽക്കത്തയിലെ നോർത്ത് 24 പർഗാനാസിലെ ബസിർഹട്ട് മേഖലയിലാണ് സംഭവമുണ്ടായത്. പോലീസ് ആക്രമണത്തിൽ പരിക്കേറ്റ സുഖന്ത മജുംദാറിനെ ആശുപത്രിയിൽ പ്രവേശിപ്പിച്ചു.
ബിജെപി പ്രവർത്തകരും പോലീസും തമ്മിലുണ്ടായ വാക്കേറ്റമാണ് സംഘർഷത്തിലേക്ക് വഴിവച്ചത്. തുടർന്ന് പോലീസ് ലാത്തി ചാർജ് ആരംഭിച്ചതോടെ സംഘർഷം രൂക്ഷമാകുകയായിരുന്നു. സംഭവത്തിൽ ബിജെപി അദ്ധ്യക്ഷൻ ഉൾപ്പെടെ നിരവധി പ്രവർത്തകർക്ക് പരിക്കേറ്റു. സുഖന്ത മജുംദാർ ചികിത്സയിൽ തുടരുകയാണെന്നും സംഭവത്തിന്റെ മറ്റ് വിവരങ്ങൾ പുറത്തുവന്നിട്ടില്ലെന്നും ആശുപത്രി അധികൃതർ അറിയിച്ചു.
