രാജ്‌കോട്ട്: കു‌‌‌ടുംബത്തിലെ അ‌ടിയന്തര ആവശ്യത്തെ തു‌ടർന്ന് ഇംഗ്ലണ്ടിനെതിരായ മൂന്നാം ടെസ്റ്റിൽ നിന്ന് ഇന്ത്യൻ ഓഫ് സ്പിന്നർ രവിചന്ദ്രൻ അശ്വിൻ പിന്മാറി. വെല്ലുവിളി നിറഞ്ഞ സമയത്ത് ബിസിസിഐ ടീമും അശ്വിന് പിന്തുണ നൽകുന്നതായി ബിസിസിഐ സെക്രട്ടറി ജയ് ഷാ അറിയിച്ചു.
താരത്തിനും കുടുംബത്തിനും ബിസിസിഐയുടെ പിന്തുണ അറിയിക്കുന്നു. കളിക്കാരുടെയും അവരുടെ പ്രിയപ്പെട്ടവരുടെയും ആരോഗ്യവും ക്ഷേമവും വളരെ പ്രധാനമാണ്. ഈ വെല്ലുവിളി നിറഞ്ഞ സമയത്ത് അശ്വിന്റെയും കുടുംബത്തിന്റെയും സ്വകാര്യതയെ മാനിക്കണമെന്ന് ബോർഡ് അഭ്യർത്ഥിക്കുന്നുവെന്നും ജയ് ഷാ പ്രസ്താവനയിൽ പറഞ്ഞു.
ടെസ്റ്റ് ക്രിക്കറ്റിൽ 500 വിക്കറ്റുകൾ എന്ന നാഴികക്കല്ല് തികച്ച ദിനമായിരുന്നു ഇത്.
