ബെംഗളൂരു: കാലാവസ്ഥാ നിരീക്ഷണ ഉപഗ്രഹമായ ഇൻസാറ്റ് 3Dsന്റെ വിക്ഷേപണം വിജയകരമായതിൽ സന്തോഷം പങ്കുവച്ച് ഐഎസ്ആർഒ ചെയർമാൻ എസ്. സോമനാഥ്. ഉപഗ്രഹത്തിന്റെ വിക്ഷേപണത്തിൽ ഭാഗമായ എല്ലാ ടീം അംഗങ്ങൾക്കും അദ്ദേഹം അഭിനന്ദനങ്ങളും ആദരവും നൽകി. ഇൻസാറ്റ് 3DS ഉപഗ്രഹം ഭ്രമണപഥത്തിൽ സുരക്ഷിതമായി ലാൻഡ് ചെയ്തതായും പേടകത്തിൽ നിന്നും വരും ദിവസങ്ങളിൽ വിവരങ്ങൾ ലഭിക്കുമെന്നും അദ്ദേഹം അറിയിച്ചു.
” ഐഎസ്ആർഒയുടെ കാലാവസ്ഥാ നിരീക്ഷണ ഉപഗ്രഹമായ ഇൻസാറ്റ് 3DSന്റെ വിക്ഷേപണം വിജയകരമായിരിക്കുന്നു. ജിഎസ്എൽവി എഫ് 14 റോക്കറ്റ് ഉപയോഗിച്ചാണ് പേടകം വിക്ഷേപിച്ചത്. പേടകം ഭ്രമണപഥത്തിൽ സുരക്ഷിതമായി ലാൻഡ് ചെയ്ത വിവരം സന്തോഷപൂർവ്വം അറിയിക്കുന്നു. മികച്ച പ്രകടനമാണ് പേടകം കാഴ്ചവയ്ക്കുന്നത്. വരും ദിവസങ്ങളിൽ ഉപഗ്രഹത്തിൽ നിന്നും കൂടുതൽ വിവരങ്ങൾ ലഭ്യമാകും. വിക്ഷേപണം വിജയകരമാകാൻ പ്രവർത്തിച്ച എല്ലാ ടീം അംഗങ്ങൾക്കും അഭിനന്ദനങ്ങൾ അറിയിക്കുന്നു”.- എസ്. സോമനാഥ് വ്യക്തമാക്കി.
#WATCH | Andhra Pradesh: On the launch of ISRO’s INSAT-3DS meteorological satellite onboard a Geosynchronous Launch Vehicle F14 (GSLV-F14), ISRO Chairman S Somanath says “I am very happy to announce the successful accomplishment of the mission GSLV-F14 INSAT-3DS. The spacecraft… pic.twitter.com/McbU9AJAuH
— ANI (@ANI) February 17, 2024
ഇന്ന് വൈകിട്ട് 5.30-ഓടെ ശ്രീഹരിക്കോട്ടയിലെ സതീഷ് ധവാൻ സ്പേസിൽ നിന്നാണ് ഉപഗ്രഹം വിക്ഷേപിച്ചത്. ജിഎസ്എൽവിയുടെ 16-ാം ദൗത്യമാണിത്. കാലാവസ്ഥാ നിരീക്ഷണം, ദുരന്ത മുന്നറിയിപ്പുകൾ, സമുദ്രോപരിതല നിരീക്ഷണം തുടങ്ങിയവയിലുള്ള പ്രവചനങ്ങൾ കൃത്യമായി അറിയാൻ സഹായിക്കുക എന്നതാണ് ദൗത്യം ലക്ഷ്യമിടുന്നത്.
