പുതുതായി പ്രഖ്യാപിച്ച പാർട്ടിയുടെ പേര് മാറ്റാനൊരുങ്ങി തമിഴ് നട് വിജയ്. ‘തമിഴക വെട്രി കഴകം’ എന്ന പേരിനു പകരം ‘തമിഴക വെട്രിക് കഴകം’ എന്നാക്കി മാറ്റാനാണ് പാർട്ടി സംഘാടകരുടെ തീരുമാനം. പാർട്ടിയുടെ പേരിൽ മാറ്റം വരുത്തുന്നതിനായി ജനറൽ സെക്രട്ടറി ബുസി ആനന്ദ് കേന്ദ്ര തിരഞ്ഞെടുപ്പു കമ്മിഷനെ സമീപിച്ചതായാണ് വിവരം.
കമ്മീഷന്റെ അംഗീകാരം ലഭിച്ചതിന് ശേഷം തീരുമാനം വിജയ് ഔദ്യോഗികമായി പ്രഖ്യാപിക്കാനാണ് സാധ്യത. പേര് പ്രഖ്യാപിച്ചതിന് പിന്നാലെ പാർട്ടിയുടെ പേരിനെതിരെ തമിഴക വാഴ്വുരുമൈ കക്ഷി സ്ഥാപകൻ വേൽമുരുകൻ തിരഞ്ഞെടുപ്പ് കമ്മീഷനിൽ പരാതി നൽകിയിരുന്നു. ഇരുപാർട്ടികളുടെയും ചുരുക്കപ്പേര് ടിവികെ ആയതിനാൽ ജനങ്ങൾക്കിടയിൽ ആശയക്കുഴപ്പം ഉണ്ടാകുമെന്നായിരുന്നു വേൽമുരുകന്റെ പരാതി. ഇതിനാലാണ് പാർട്ടിയുടെ പേര് മാറ്റിയതെന്നും സൂചനകളുണ്ട്.