തിരുവനന്തപുരം: ലോ കോളേജിൽ കെ.എസ്.യു-എസ്.എഫ്.ഐ പ്രവർത്തകർ തമ്മിൽ സംഘർഷം. ഇന്ന് ഉച്ചയോടെ കോളേജ് ക്യാമ്പസിലായിരുന്നു സംഘർഷമുണ്ടായത്. കെ.എസ്.യു-എസ്.എഫ്.ഐ പ്രവർത്തകർ തമ്മിൽ രാവിലെ ക്യാമ്പസിൽ വച്ച് വാക്കുതർക്കം ഉണ്ടായിരുന്നു. ഇതിന്റെ പിന്നാലെ ഉച്ചയ്ക്ക് വീണ്ടും വാക്കുതർക്കവും തമ്മിൽ തല്ലും ഉണ്ടാവുകയായിരുന്നു. തുടർന്ന് പ്രവർത്തകർ സംഘടിക്കുകയും വലിയ സംഘർഷത്തിലേക്ക് വഴിമാറുകയുമായിരുന്നു.
സംഘർഷത്തിന് പിന്നാലെ പ്രവർത്തകർ ആശുപത്രിയിൽ ചികിത്സ തേടിയിരിക്കുകയാണ്. സംഘർഷത്തിന്റെ സാധ്യത മുന്നിൽ കണ്ട് സ്ഥലത്ത് വിദ്യാർത്ഥികൾ ക്യാമ്പ് ചെയ്തിരിക്കുകയാണ്. സംഭവത്തിന്റെ വീഡിയോ പുറത്തുവന്നിട്ടുണ്ട്.
