കേപ്ടൗൺ: 40 വയസിനു മുകളിലുള്ളവരുടെ മാസ്റ്റേർസ് വേൾഡ് കപ്പിൽ യുഎഇയ്ക്കെതിരെ ഇന്ത്യക്ക് വിജയം. 83 റൺസിനാണ് ഇന്ത്യയുടെ വിജയം. ടോസ് ജയിച്ച് ബാറ്റിംഗ് തിരഞ്ഞെടുത്ത ഇന്ത്യ 45 ഓവറിൽ 6 വിക്കറ്റ് നഷ്ടത്തിൽ ഇന്ത്യ 256 റൺസെടുത്തു. 80 ബോളിൽ നിന്നും 72 റൺസെടുത്ത് ഇക്ബാൽ ഖാനാണ് ഇന്ത്യൻ നിരയിലെ ടോപ് സ്കോറർ. താരകാന്ത് റോയ്(58), ഓജസ് മേത്ത (18), ഫക്കീർ ദുൻഗാരിയ (13), പ്രദീപ് ശ്രീസാഗർ(30), വിജയ് സിംഗ്(13), ജിതേന്ദർ ദിവാൻ(32) എന്നിങ്ങനെയാണ് മറ്റ് താരങ്ങളുടെ സ്കോർ നില.
പിന്നാലെ ബാറ്റ് ചെയ്യാനെത്തിയ യുഎഇ 36.1 ഓവറിൽ പത്ത് വിക്കറ്റ് നഷ്ടത്തിൽ 173 റൺസ് മാത്രമേ സ്വന്തമാക്കിയൊള്ളൂ. 106 ബോളിൽ നിന്നും 98 റൺസ് എടുത്ത മലയാളി താര സുധീഷ് ശോഭനയാണ് യുഎഇ നിരയിലെ ടോപ് സ്കോറർ. ശ്രീലങ്കയ്ക്കെതിരായ മത്സരത്തിലും ടോപ് സ്കോറർ മലയാളി താരമായിരുന്നു. റാഫിയുള്ള സെയ്ദ്(3),റോഷൻ ഖാൻ(12), വിജയ് മെഹ്റാ(10), രെഹാൻ ഖാൻ(25), ജാസണ കൂക്ക് (4), ഹരികൃഷ്ണൻ ശശിധരൻ(6), താരിഖ് അബ്ബാസ് (8), രഞ്ജിത്ത് നായർ (1) എന്നിങ്ങനെയാണ് യുഎഇ നിരയുടെ സ്കോർ നില.
യുഎഇ 40
സുധീഷ് ശോഭന, റഫിയുള്ള സയ്യിദ് (ക്യാപ്റ്റൻ, വിക്കറ്റ് കീപ്പർ), സയ്യിദ് ഇമ്രാൻ കാസ്മി, രെഹാൻ ഖാൻ, വിജയ് മെഹ്റ, ബിജു പിള്ള, പീറ്റർ ബെയർ, റോഷൻ ഖാൻ, ഹരികൃഷ്ണൻ ശശിധരൻ, രഞ്ജിത്ത് നായർ, ഏൾ കിവേദോ
ഇന്ത്യ 40
ഓജസ് മേത്ത, ഫക്കീർ ദുംഗരിയ, ജിതീന്ദർ ദിവാൻ, ഇഖ്ബാൽ ഖാൻ (ക്യപ്റ്റൻ), തരക്നാഥ് റോയ്, വിജയ് സിംഗ് (വിക്കറ്റ് കീപ്പർ), പ്രദീപ് ക്ഷീർസാഗർ, യോഗേഷ് ഡിചോൾക്കർ, പ്രകാശ് പട്ടേൽ, സച്ചിൻ ദേശ്പാണ്ഡെ, ജിഗർ മേത്ത
