ന്യൂഡൽഹി: നവദമ്പതികളെ ആശിർവദിച്ചുകൊണ്ടുള്ള പ്രധാനമന്ത്രിയുടെ കത്തിന് നന്ദി അറിയിച്ച് ജാക്കി ഭഗ്‌നാനിയുടെ പിതാവും നിർമ്മാതാവുമായ വാഷു ഭഗ്നാനി. അദ്ദേഹം ഞങ്ങൾക്ക് തന്ന ആശംസാ കുറിപ്പ് ഒരു വലിയ ബഹുമതിയാണ് അത് എക്കാലവും ഞങ്ങൾ കാത്തുസൂക്ഷിക്കുമെന്നും വാഷു മാദ്ധ്യമങ്ങളോട് പറഞ്ഞു.
‘പ്രധാനമന്ത്രി ഞങ്ങൾക്ക് നൽകിയ വലിയൊരു ബഹുമതിയാണ് ആശംസാ കത്ത്. അതിന് നന്ദി പറയാൻ ഞങ്ങൾക്ക് വാക്കുകളില്ല. വളരെ മനോഹരമായി എഴുതിയ ഒരു കത്ത്. നവദമ്പതികൾ ഒരുമിച്ച് ഒരു പുതിയ യാത്ര ആരംഭിക്കുമ്പോൾ അദ്ദേഹത്തിന്റെ അനുഗ്രഹങ്ങളും ആശംസകളും അവർക്കൊപ്പം ഉണ്ടാകാനായി അത് ഞങ്ങൾ ഫ്രെയിം ചെയ്ത് സൂക്ഷിക്കാൻ തീരുമാനിച്ചു. ഈ നിമിഷം എനിക്ക് ഒരിക്കലും മറക്കാൻ കഴിയില്ല. അദ്ദേഹത്തിന്റെ കത്ത് ഞങ്ങൾ ഏറ്റവും വലിയൊരു നിധിയായി സൂക്ഷിക്കും’. വാഷു ഭഗ്നാനി പറഞ്ഞു.
നീണ്ട കാലത്തെ പ്രണയത്തിനൊടുവിലാണ് രാകുൽ പ്രീതും ജാക്കി ഭഗ്നാനിയും വിവാഹിതരായത്. ഗോവയിൽ വച്ച് നടന്ന വിവാഹാഘോഷത്തിൽ ബന്ധുക്കളും അടുത്ത സുഹൃത്തുക്കളും മാത്രമാണ് പങ്കെടുത്തത്.ഐടിസി ഗ്രാൻഡ് സൗത്ത് ഗോവയിൽ വച്ചാണ് ഇരുവരുടെയും വിവാഹ ചടങ്ങുകൾ നടന്നത്. രണ്ടു പേരുടെയും ആചാരപ്രകാരമുള്ള വിവാഹ ചടങ്ങുകളാണ് നടന്നത്.
