തിരുവനന്തപുരം: വിഎസ്എസ്സിയിൽ എത്തിയ പ്രധാനമന്ത്രിക്ക് ശ്രീപദ്മനാഭസ്വാമിയുടെ രൂപം സമ്മാനിച്ചു. ഇസ്രോ ചെയർമാൻ എസ്. സോമനാഥാണ് രൂപം പ്രധാനമന്ത്രിക്ക് സമ്മാനിച്ചത്. വിവിധ പദ്ധതികളുടെ ഉദ്ഘാടനത്തിനായി എത്തിയ പ്രധാനമന്ത്രിക്ക് ഉപഹാരമായാണ് പദ്മനാഭ രൂപം സമ്മാനിച്ചത്.
ഇന്ന് 10.45 നാണ് പ്രധാനമന്ത്രി നരേന്ദ്രമോദി തിരുവനന്തപുരത്തെ വ്യോമസേനയുടെ ടെക്നിക്കല് ഏരിയയിൽ എത്തിയത്. മന്ത്രി ജി.ആർ. അനിൽകുമാറും തിരുവനന്തപുരം മേയറും അദ്ദേഹത്തെ സ്വീകരിച്ചു. ഗവർണർ ആരിഫ് മുഹമ്മദ് ഖാൻ, മുഖ്യമന്ത്രി പിണറായി വിജയൻ, കേന്ദ്രമന്ത്രി വി. മുരളീധരൻ എന്നിവർ പ്രധാനമന്ത്രിക്കൊപ്പം വിക്രം സാരാഭായ് സ്പേസ് സെന്ററിലെത്തി. ഇന്ത്യൻ ബഹിരാകാശ മേഖലയിലെ 1800 കോടി രൂപയുടെ പദ്ധതികളാണ് പ്രധാനമന്ത്രി ഇന്ന് ഉദ്ഘാടനം ചെയ്തത്.
ഭാരതത്തിന്റെ പ്രഥമ ബഹിരാകാശ ദൗത്യമായ ഗഗൻയാ ദൗത്യ സംഘ ാംഗങ്ങളെ ചടങ്ങിൽ പ്രധാനമന്ത്രി രാജ്യത്തിന് പരിചയപ്പെടുത്തി. പ്രശാന്ത് ബാലകൃഷ്ണൻ, അംഗദ് പ്രതാപ്, അജിത് കൃഷ്ണൻ, ശുഭാൻശുക്ല എന്നിവരാണ് ദൗത്യ സംഘത്തിലുള്ളവർ. ഇതിൽ ഗ്രൂപ്പ് ലീഡർ പ്രശാന്ത് ബാലകൃഷ്ണൻ നായർ മലയാളിയാണ്. പ്രശാന്ത് സുഖോയ് യുദ്ധവിമാനത്തം പറത്തുന്ന ഫൈറ്റർ പൈലറ്റാണ്.
