ആദ്യ സിനിമ കൊണ്ട് പ്രേക്ഷക ശ്രദ്ധ നേടുന്ന ചുരുക്കം ചില അഭിനേതാക്കളെ കാണുകയുള്ളൂ. അത്തരത്തിൽ ‘തിര’ എന്ന ഒറ്റ സിനിമ കൊണ്ട് നിരവധി ആരാധകരെ സൃഷ്ടിച്ച നടനാണ് ധ്യാൻ ശ്രീനിവാസൻ. എന്നാൽ, ആദ്യത്തെ കുറച്ച് സിനിമകൾ കഴിഞ്ഞപ്പോൾ നടൻ സിനിമ തിരഞ്ഞെടുക്കുന്ന രീതിയും ധ്യാനിന്റെ വിജയിക്കുന്ന സിനിമകളും കുറവായിരുന്നു. ഇതിനെക്കുറിച്ച് ധ്യാൻ തന്നെ നിരവധി അഭിമുഖങ്ങളിലും പറഞ്ഞിട്ടുമുണ്ട്.
ധ്യാനിന്റെ അടുത്ത സുഹൃത്തും നടനുമായ അജുവർഗീസ് ഇക്കാര്യത്തെക്കുറിച്ച് പറയുകയാണ്. വളരെ വ്യത്യസ്തമായി കരിയർ ആരംഭിച്ച നടനാണ് ധ്യാനെന്നായിരുന്നു അജുവർഗീസ് പറഞ്ഞത്. എന്നാൽ, ‘ഗൂഡാലോചന’ മോശമായി പോയപ്പോൾ ധ്യാനിന് സിനിമയോടുള്ള താത്പര്യം പോയെന്നുമാണ് അജു വർഗീസ് പറയുന്നത്. ഒരു അഭിമുഖത്തിനിടയിലായിരുന്നു ധ്യാൻ ഇക്കാര്യങ്ങൾ പറഞ്ഞത്.
‘വളരെ വ്യത്യസ്തമായി കരിയർ ആരംഭിച്ച നടനാണ് ധ്യാൻ. തിര പോലെയായിരുന്നില്ല കുഞ്ഞിരാമായണം, അടി കപ്യാരേ കൂട്ടമണിയും ഒരേമുഖവും വളരെ വ്യത്യസ്തമായിരുന്നു. നാല് സിനിമയും ബോക്സോഫീസിൽ പ്രൊഡ്യൂസറിന് ലാഭം ഉണ്ടാക്കി നൽകിയതായിരുന്നു. പിന്നെ, ഗൂഡാലോചന മോശമായി പോയപ്പോൾ ധ്യാനിന് സിനിമയോടുള്ള താത്പര്യം പോയെന്നാണ് എനിക്ക് തോന്നുന്നത്. സിനിമ ഓടാതിരുന്നപ്പോൾ, ജനങ്ങളുടെ ഒപ്പീനിയൻ മാറിയപ്പോൾ എങ്ങനെയെങ്കിലും ചെയ്യാം എന്ന ആറ്റിറ്റ്യൂട് ചിലപ്പോൾ എടുത്തത് ആകാം.’-അജു വർഗീസ് പറഞ്ഞു.
