തിരക്കിട്ട സിനിമാ അഭിനയത്തിൽ നിന്ന് ഒരു ഇടവേളയെടുക്കാനൊരുങ്ങി തെലുങ്ക് സൂപ്പർ സ്റ്റാർ പ്രഭാസ്. ആരോഗ്യപരമായ പ്രശ്നങ്ങളാണ് ഒരു താൽക്കാലിക ഇടവേള എടുക്കാൻ കാരണമെന്ന് തെലുങ്ക് മാദ്ധ്യമങ്ങൾ റിപ്പോർട്ട് ചെയ്യുന്നു. ലണ്ടനിലേക്കായിരിക്കും താരം താമസം മാറ്റുന്നത്. ലണ്ടനിൽ ഒരു അഡംബര വീട് തന്നെ പ്രഭാസ് സ്വന്തമാക്കിയതായാണ് വിവരം.
കാൽമുട്ടിന്റെ ചികിത്സയുമായി ബന്ധപ്പെട്ട് പ്രഭാസ് കുറച്ചു കാലം യൂറോപ്പിലായിരുന്നു. തിരിച്ച് ഇന്ത്യയിലെത്തിയ ശേഷം സിനിമയിൽ ഒരു ഇടവേള എടുക്കുകയാണെന്ന വിവരം പ്രഭാസ് ആരാധകരുമായി പങ്കുവച്ചിരുന്നു. താൻ ആരോഗ്യം ശ്രദ്ധിക്കാൻ തുടങ്ങിയെന്നും ഇനി ഒരു ഇടവേളക്ക് ശേഷമായിരിക്കും ബാക്കി സിനിമകൾ ചെയ്യുന്നതെന്നും അദ്ദേഹം അറിയിച്ചു.
അതേസമയം ലണ്ടനിൽ പ്രഭാസ് വാടകയ്ക്കെടുത്ത വീടിന് പ്രതിമാസം 60 ലക്ഷം രൂപയാണ് വാടകയെന്ന് തെലുങ്ക് സിനിമാ മാദ്ധ്യമങ്ങൾ റിപ്പോർട്ട് ചെയ്യുന്നത്. പെട്ടെന്നുള്ള പ്രഭാസിന്റെ അവധിയെടുക്കൽ താരത്തിന്റെ ആരാധകരെ ദുഃഖത്തിലാഴ്ത്തിയിരിക്കുകയാണ്.
