ബെർലിൻ ഫിലിം ഫെസ്റ്റിവലിൽ അന്ന ബെന്നിന്റെ തമിഴ് ചിത്രത്തിന് കയ്യടി; നിരൂപക പ്രശംസ പിടിച്ചുപ്പറ്റി ‘കൊട്ടുകാലി’

അന്ന ബെന്നിന്റെ ഏറ്റവും പുതിയ ചിത്രമായ ‘കൊട്ടുകാലി’ക്ക് അന്താരാഷ്‌ട്ര ഫിലിം ഫെസ്റ്റിവലിൽ അം​ഗീകാരം. ബെർലിൻ അന്താരാഷ്‌ട്ര ഫിലിം ഫെസ്റ്റിവലിലാണ് ചിത്രം പ്രദർശിപ്പിച്ചിരിക്കുന്നത്. സിനിമ പ്രദർശിപ്പിക്കുന്നതിന്റെയും അന്നയെ സിനിമാസ്വാദകർ അഭിനന്ദനമറിയിക്കുന്നതിന്റെയും വീഡിയോ നിർമ്മാതാവായ ശിവകാർത്തികേയൻ പ്രൊഡക്ഷൻസിന്റെ എക്സ് പേജിലൂടെയാണ് പുറത്ത് വിട്ടിരിക്കുന്നത്.

കൊട്ടുകാലിയുടെ ആദ്യത്തെ അന്താരാഷ്‌ട്ര വേദിയാണിത്. ബെർലിനിൽ ഇത്തരത്തിലൊരു വേദി ലഭിച്ചത് നന്ദിയോടെ ഓർക്കുന്നു. പ്രേക്ഷകരിൽ നിന്നും ലഭിച്ച അവിശ്വസനീയമായ മികച്ച പ്രതികരണങ്ങൾ ഹൃദയത്തിൽ എല്ലാക്കാലവും നിലനിൽക്കും. ഒരിക്കലും മറക്കാനാകാത്ത നിമിഷങ്ങൾ നൽകിയതിന് നന്ദി എന്നായിരുന്നു കുറിപ്പ്.

Grateful for our #Kottukkaali‘s first international stage at @berlinale, and the incredible response has left a lasting imprint in our hearts. Thank you for the unforgettable moments.#Kottukkaali #KottukkaaliAtBerlinale #Berlinale #BerlinaleForum #BerlinaleForum2024… pic.twitter.com/VwDH54zFEf

— Sivakarthikeyan Productions (@SKProdOffl) February 28, 2024

ബെർലിൻ അന്താരാഷ്‌ട്ര ഫിലിം ഫെസ്റ്റിവലിൽ ലോക സിനിമ വിഭാഗത്തിലാണ് കൊട്ടുകാലി പ്രദർശിപ്പിച്ചത്. ബെർലിനിലെ അന്താരാഷ്‌ട്ര ഫിലിം ഫെസ്റ്റിവലിൽ പ്രദർശിപ്പിക്കുന്ന ആദ്യ തമിഴ് ചിത്രം എന്ന പ്രത്യേകതയും ഈ സിനിമയ്‌ക്കുണ്ട്. കൊട്ടുകാലി അടുത്തമാസത്തിലാണ് തിയേറ്ററുകളിൽ എത്തുന്നത്. നടൻ ശിവകാർത്തികേയന്റെ പ്രൊഡക്ഷൻ കമ്പനിയായ എസ് കെ പ്രൊഡക്ഷൻസാണ് ചിത്രം നിർമ്മിച്ചത്. പി എസ് വിനോദ് രാജ് സംവിധാനം ചെയ്യുന്ന ചിത്രത്തിൽ സൂരിയാണ് മറ്റൊരു കഥാപാത്രത്തെ അവതരിപ്പിച്ചിരിക്കുന്നത്.