തമിഴ് നാടക, ചലച്ചിത്ര നടൻ അടഡേ മനോഹർ (68) അന്തരിച്ചു. ആരോഗ്യ പ്രശ്നങ്ങളെ തുടർന്ന് ഏറെ കാലമായി അദ്ദേഹം ചികിത്സയിലായിരുന്നു. ചെന്നൈയിലെ വീട്ടിൽ വച്ച് ഇന്ന് രാവിലെയായിരുന്നു അന്ത്യം. ചെറുപ്പം മുതൽ നാടക രംഗത്ത് സജീവമായിരുന്നു അദ്ദേഹം. 3500-ഓളം നാടകങ്ങളിൽ ഇതിനോടകം അഭിനയിച്ചിട്ടുണ്ട്.
35 ഓളം നാടകങ്ങൾ എഴുതി സംവിധാനവും ചെയ്തിട്ടുണ്ട്. നാടക രംഗത്തും ഹാസ്യവേഷങ്ങളിലായിരുന്നു അദ്ദേഹം ശ്രദ്ധേയനായത്. റേഡിയോനാടകങ്ങളിലും സജീവമായിരുന്നു. തുടർന്ന് തമിഴ് സീരിയലുകളിൽ സജീവമായി. 25-ഓളം സിനിമകളിലും അദ്ദേഹം അഭിനയിച്ചിട്ടുണ്ട്.
