ഈ വാരത്തിൽ അനിഴം, തൃക്കേട്ട, മൂലം, പൂരാടം, ഉത്രാടം, തിരുവോണം, അവിട്ടം, ചതയം നക്ഷത്രക്കാർ അവരവരുടെ നക്ഷത്രം വരുന്ന ദിവസം വൃതം അനുഷ്ഠിക്കുന്നതും ക്ഷേത്രത്തിൽ പോയി തൊഴുതു യഥാവിധി വഴിപാടുകൾ നടത്തുന്നതും ഉചിതമായിരിക്കും.
വാര – മാസ ഫലങ്ങൾ ഗണിക്കുന്നത് പൊതുവെ ഉള്ള ഗ്രഹസ്ഥിതി അടിസ്ഥാനപ്പെടുത്തിയാണ്. ഇവിടെ പറയുന്നത് ഒരു പൊതു സൂചന മാത്രമായിരിക്കും. അവരവരുടെ ജന്മ ഗ്രഹനില അനുസരിച്ചു യോഗങ്ങളും ദശാപഹാരവും ഒക്കെകൂടി പരിഗണിച്ചാൽ ഈ പൊതു ഫലത്തിന് ഏറ്റക്കുറച്ചിലുകൾ ഉണ്ടാകും. എന്നിരുന്നാലും ഈ പറയുന്ന പൊതുഫലത്തെ സൂചനയായി കണ്ടു, ജാതക നിരൂപണം നടത്തി, ദശാനാഥനെ പ്രീതിപ്പെടുത്തുകയും ഗ്രഹദോഷങ്ങൾ പരിഹരിക്കുകയും ചെയ്താൽ നല്ല സമയത്തിന്റെ ഗുണഫലങ്ങൾ അനുഭവത്തിൽ വരുത്തുവാനും, മോശം സമയം തരണം ചെയ്യുവാനും പ്രയോജനപ്പെടും.
മേടം രാശി: (അശ്വതി, ഭരണി, കാർത്തിക ആദ്യ 1/4 ഭാഗം)
ഈ വാരം ഗുണദോഷ സമ്മിശ്രമായിരിക്കും. ആരോഗ്യക്കുറവ്, ക്ഷീണം ഒക്കെ അനുഭവപ്പെടും. ശത്രുദോഷം, ഭക്ഷ്യവിഷബാധ, കേസ് വഴക്കുകളിൽ പരാജയം എന്നിവ സംഭവിക്കും. എന്നാൽ വാരാവസാനം തൊഴിൽ വിജയം, ധന നേട്ടം എന്നിവ പ്രതീക്ഷിക്കാം.
ഇടവം രാശി: (കാർത്തിക അവസാന 3/4 ഭാഗം, രോഹിണി, മകയിര്യം ആദ്യ 1/2 ഭാഗം)
വളരെക്കാലമായി പിണങ്ങിയിരിക്കുന്ന ദമ്പതികൾ തമ്മിൽ ഒന്നിക്കാനുള്ള തീരുമാനം ഉണ്ടാവും. കുടുംബത്തിൽ മംഗളകരമായ കർമ്മങ്ങൾ നടക്കും. ജോലിസ്ഥലത്ത് അപവാദം കേൾക്കേണ്ടിവരും, വളരെ ജാഗ്രത പുലർത്തുക. മനസ്സിൽ വിചാരിക്കുന്ന കാര്യങ്ങൾ നടക്കുന്ന സമയമാണ്, ആയതിനാൽ ചിന്തകൾ കാടു കയറാതെ ശ്രദ്ധിക്കുക.
മിഥുനം രാശി: (മകയിര്യം അവസാന 1/2 ഭാഗം, തിരുവാതിര, പുണർതം ആദ്യ 3/4 ഭാഗം)
വളരെക്കാലമായി ഉണ്ടായിരുന്ന രോഗാവസ്ഥ മാറും. ബിസിനസ്സുകാർക്ക് ചെയ്യുന്ന പ്രവർത്തനങ്ങൾ ലാഭത്തിൽ ആയിത്തീരും. കലാകാരന്മാർക്ക് പേരും പ്രശസ്തിയും ഉണ്ടാവും. സാമ്പത്തിക ഇടപാടുകളിൽ സൂക്ഷ്മതയോടെ ഇടപെടുക. ചതി സംഭവിച്ചേക്കാം.
കർക്കിടകം രാശി: (പുണർതം അവസാന 1/4 ഭാഗം, പൂയം, ആയില്യം)
അന്യദേശവാസം – ജോലി എന്നിവ ഉണ്ടാകുമെങ്കിലും ഒന്നിലും ഉയർച്ച ഉണ്ടാവാത്ത അവസ്ഥ സംജാതമാകും. മനശാന്തി കുറയും. കുടുംബത്തിൽ ചില നിർണായക തീരുമാനങ്ങൾ ഉണ്ടാവും. ഉദരരോഗം വരാതെ സൂക്ഷിക്കുക
ചിങ്ങം രാശി: (മകം, പൂരം, ഉത്രം ആദ്യ 1/4 ഭാഗം)
സഞ്ചാരശീലം കൂടും. കുടുംബ പൊതുജനങ്ങളുമായി അഭിപ്രായവ്യത്യാസം ഉണ്ടാവും. ദാമ്പത്യ ഐക്യം, ധന നേട്ടം, കീർത്തി, വാഹന ഭാഗ്യം, ഭക്ഷണ സുഖം എന്നിവ അനുഭവപ്പെടും. ശത്രുവിന്റെ അധപതനം കാണാൻ ഇടവരും.
കന്നി രാശി: (ഉത്രം അവസാന 3/4 ഭാഗം, അത്തം, ചിത്തിര ആദ്യ 1/2 ഭാഗം)
ഈ വാരം ഗുണദോഷ സമ്മിശ്രം ആയിരിക്കും. പല കാര്യങ്ങളിലും പ്രായത്തിൽ കവിഞ്ഞ പക്വത പ്രകടിപ്പിക്കും. മാതാവിനോ മാതൃ സ്ഥാനത്ത് ഉള്ളവർക്കും രോഗാവസ്ഥ ഉണ്ടാവും. മനശാന്തി കുറയുകയും ദുസ്വപ്നങ്ങൾ കാണുകയും ചെയ്യും. വാരാന്ത്യം തൊഴിൽ വിജയം , രോഗശാന്തി എന്നിവ ഉണ്ടാവും.
തുലാം രാശി: (ചിത്തിര അവസാന 1/2 ഭാഗം, ചോതി, വിശാഖും ആദ്യ 3/4 ഭാഗം)
സാമ്പത്തികനിലയിൽ നിർണായകമായ വഴിത്തിരിവുകൾ ഉണ്ടാവും. എന്തു കാര്യങ്ങളിലും മനസ്സോടെ ഇറങ്ങി പുറപ്പെട്ടാൽ അതിൽ ജയിക്കുകയും ചെയ്യും. പലതരത്തിലുള്ള തീർത്ഥാടന യാത്രകൾ അനുഭവത്തിൽ വരും. മനശാന്തി കുറഞ്ഞ അവസ്ഥകൾ ഉണ്ടാവുമെങ്കിലും അതെല്ലാം തരണം ചെയ്യും.
വൃശ്ചികം രാശി: (വിശാഖം അവസാന 1/4 ഭാഗം, അനിഴം, തൃക്കേട്ട)
അസുഖങ്ങൾ മാറി ആരോഗ്യം വീണ്ടെടുക്കും . ആടയാഭരണ ലബ്ധി, ഭാഗ്യാനുഭവങ്ങൾ എന്നിവ അനുഭവത്തിൽ വരും. കലാകാരന്മാരെ സംബന്ധിച്ച് അവാർഡുകൾ പ്രതീക്ഷിക്കാം. സഹോദര സ്ഥാനത്ത് ഉള്ളവരിൽ നിന്നും ഗുണാനുഭവങ്ങൾ ഉണ്ടാവും.
ധനു രാശി: (മൂലം, പൂരാടം, ഉത്രാടം ആദ്യ 1/4 ഭാഗം)
അമിത ആഡംബരത്വo വരവിൽ കവിഞ്ഞ ചെലവ് വർദ്ധിപ്പിക്കും. സ്ത്രീകൾ മൂലം മാനഹാനി, ധനനഷ്ടം എന്നിവ ഉണ്ടാവാൻ ഇടവരുത്തും. സൽ സുഹൃത്തുക്കൾ മൂലം ഗുണാനുഭവങ്ങൾ ഉണ്ടാവും. ആരോഗ്യ വർദ്ധനവ്, സ്ഥാന പ്രാപ്തി, സാമ്പത്തിക ലാഭം, സമ്മാനങ്ങൾ എന്നിവ ലഭിക്കും.
മകരം രാശി: (ഉത്രാടം അവസാന 3/4 ഭാഗം, തിരുവോണം, ആദ്യ അവിട്ടം 1/2 ഭാഗം)
കുടുംബ ബന്ധുജനങ്ങളിൽ നിന്നും ഗുണാനുഭവങ്ങൾ ഉണ്ടാവും. അപ്രതീക്ഷിതമായ ഭാഗ്യാനുഭവങ്ങൾ ഉണ്ടാവുകയും അതിൽനിന്നും സാമ്പത്തിക ലാഭം ഉണ്ടാവുകയും ചെയ്യും. കുടുംബത്തിൽ മംഗളകരമായ കർമ്മങ്ങൾ ഉണ്ടാവുകയും അതിൽ മുഖ്യമായ സ്ഥാനം അലങ്കരിക്കുകയും ചെയ്യും.
കുംഭം രാശി: (അവിട്ടം അവസാന 1/2 ഭാഗം, ചതയം, പൂരൂരുട്ടാതി ആദ്യ 3/4 ഭാഗം)
ജോലിയിൽ പേരും പ്രശസ്തിയും വർദ്ധിക്കുന്ന അവസ്ഥ സംജാതമാകും. ദാമ്പത്യത്തിൽ പരസ്പര വിശ്വാസം വർദ്ധിക്കും. സർക്കാർ ആനുകൂല്യങ്ങൾ ലഭിക്കുന്ന സമയമാണ്. ബന്ധുജന പ്രീതി, മനസന്തോഷം, ധനനേട്ടം എന്നിവ പ്രതീക്ഷിക്കാം .
മീനം രാശി: (പൂരൂരുട്ടാതി അവസാന 1/4 ഭാഗം, ഉതൃട്ടാതി, രേവതി)
ശത്രുക്കളെ കൊണ്ടുള്ള ഉപദ്രവം കൂടുമെങ്കിലും അതിനെയെല്ലാം അതിജീവിച്ച് കൂടുതൽ ശക്തി പ്രാപിക്കും. കുടുംബസൗഖ്യം, ഉന്നതസ്ഥാനത്ത് അധികാര പ്രാപ്തിയുള്ള ജോലി ലഭിക്കുക എന്നിവയുണ്ടാകും. നഷ്ടപ്പെട്ടു എന്ന് കരുതിയ പല കാര്യങ്ങളും ജീവിതത്തിൽ തിരിച്ചുവരും. തൊഴിൽ ലാഭം , അലങ്കാര വസ്തുക്കളുടെ വർദ്ധനവ്. മേലധികാരിയുടെ പ്രശംസ എന്നിവ ലഭിക്കും.
ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
Weekly Prediction by Jayarani E.V
