ഇന്ത്യൻ ക്രിക്കറ്റ് താരം സൗരവ് ഗാംഗുലിയുടെ ജീവിതകഥ പറയുന്ന ചിത്രത്തിൽ രജനികാന്തും. ഇളയമകൾ സൗന്ദര്യ രജനികാന്ത് സംവിധാനം ചെയ്യുന്ന ചിത്രമാണിത്. അതിഥി വേഷത്തിലായിരിക്കും ചിത്രത്തിൽ തലൈവർ എത്തുക. പ്രശസ്ത ബോളിവുഡ് നിർമ്മാതാവ് സാജിദ് നദിയാദ്വാലയാണ് ചിത്രം നിർമ്മിക്കുന്നത്.
അടുത്തിടെയായിരുന്നു നദിയാദ്വാല, തലൈവർക്കൊപ്പമുള്ള സിനിമയുടെ പ്രഖ്യാപനം നടത്തിയത്. സോഷ്യൽ മീഡിയയിലൂടെ നിർമ്മാതാവ് തന്നെയാണ് പ്രഖ്യാപനം നടത്തിത്. വേട്ടയ്യൻ, തലൈവർ 171 എന്നീ ചിത്രങ്ങൾക്ക് ശേഷമായിരിക്കും സിനിമയുടെ ചിത്രീകരണം ആരംഭിക്കുന്നതെന്നും സാജിദ് നദിയാദ്വാല അറിയിച്ചിരുന്നു.
നേരത്തെ മൂത്ത മകൾ ഐശ്വര്യ രജനികാന്ത് സംവിധാനം ചെയ്ത ലാൽ സലാം എന്ന ചിത്രത്തിലും രജനികാന്ത് അഭിനയിച്ചിരുന്നു. അതിഥി വേഷത്തിലായിരുന്നു ചിത്രത്തിൽ തലൈവർ അഭിനയിച്ചത്. പൊങ്കൽ റിലീസായി എത്തിയ ചിത്രം ബോക്സ് ഓഫീസിൽ വൻ പരാജയമായിരുന്നു.