തിരുവനന്തപുരം: ഈ വര്ഷത്തെ എസ്എസ്എല്സി / റ്റിഎച്ച്എസ്എല്സി / എഎച്ച്എല്സി പരീക്ഷയ്ക്ക് ഇന്ന് തുടക്കമാകും. സംസ്ഥാനത്ത് 2,995 കേന്ദ്രങ്ങളിലും ലക്ഷദ്വീപിലെ ഒൻപത് കേന്ദ്രങ്ങളിലും, ഗള്ഫ് മേഖലയിലെ ഏഴ് കേന്ദ്രങ്ങളിലുമായി 4,27,105 വിദ്യാര്ത്ഥികള് പരീക്ഷ എഴുതും. 25-ാം തീയതി വരെയാണ് പരീക്ഷ.
മലപ്പുറം റവന്യു ജില്ലയിലെ മലപ്പുറം വിദ്യാഭ്യാസ ജില്ലയിലാണ് ഏറ്റവും കൂടുതല് പേര് പരീക്ഷ എഴുതുന്നത്. 28,180 പേര്. ഏറ്റവും കുറച്ച് പേര് പരീക്ഷ എഴുതുന്നത് ആലപ്പുഴ റവന്യു ജില്ലയിലെ കുട്ടനാട് വിദ്യാഭ്യാസ ജില്ലയിലാണ്, 1,843 പേര്.ഗള്ഫ് മേഖലയില് 536 കുട്ടികളും, ലക്ഷദ്വീപ് മേഖലയില് 285 പേരും പരീക്ഷ എഴുതും.
ഏപ്രിൽ മൂന്ന് മുതൽ 20 വരെയാണ് മൂല്യനിർണയം നടക്കുക. സംസ്ഥാനത്തൊട്ടാകെ 70 കേന്ദ്രീകൃത മൂല്യനിര്ണ്ണയ ക്യാമ്പുകളിലായി രണ്ട് ഘട്ടമായാകും മൂല്യനിർണയം. മൂല്യനിര്ണ്ണയ ക്യാമ്പുകളിലേക്കുള്ള അഡീഷണല് ചീഫ് എക്സാമിനര്മാരുടെയും, അസിസ്റ്റന്റ് എക്സാമിനര്മാരുടേയും നിയമന ഉത്തരവുകള് 10 മുതല് പരീക്ഷാഭവന്റെ വെബ്സൈറ്റില് ലഭ്യമാകും. മേയ് രണ്ടാം വാരം ഫലം പ്രഖ്യാപിക്കാനാണ് ലക്ഷ്യമിടുന്നത്.