മുംബൈ: സാമൂഹ്യ പ്രവർത്തകനും മുംബൈ മലയാളിയുമായ ജയന്ത് നായരെ അനുമോദിക്കുന്നു. മാർച്ച്‌ 10ന് വൈകുന്നേരം 5ന് താനെ വെസ്റ്റ്‌ കിസാൻ നഗറിലെ വിജയഭവനിലാണ് അനുമോദന ചടങ്ങ് നടക്കുന്നത്. മലയാളികളുടെ നേതൃത്വത്തിലാണ് ചടങ്ങ്. മലയാളി സമാജത്തിന്റെയും വിവിധ സംഘടനകളുടെയും പ്രതിനിധികൾ ചങ്ങിൽ പങ്കെടുക്കും. എല്ലാ മലയാളികളെയും ചടങ്ങിലേക്ക് ക്ഷണിക്കുന്നതായി ഭാരവാഹികൾ അറിയിച്ചു.
മഹാരാഷ്‌ട്ര മുഖ്യമന്ത്രി ഏക്‌നാഥ് ഷിൻഡെ നേരിട്ടാണ് ജയന്ത് നായരെ ശിവസേന സൗത്ത് ഇന്ത്യൻ വിഭാഗം കോർഡിനേറ്ററായി നിയമിച്ചത്. തന്റെ അറുപതാം ജന്മദിനത്തോട് അനുബന്ധിച്ച് നടന്ന ആഘോഷ ചടങ്ങിനിടെ മുഖ്യമന്ത്രി നേരിട്ടാണ് നിയമന ഉത്തരവ് കൈമാറിയത്. താനെ നായർ വെൽഫയർ അസോസിയേഷൻ മുൻ പ്രസിഡന്റ് ജയന്ത് നായർ ഷിൻഡെയുടെ സുഹൃത്താണ്. മുംബൈയിൽ ജനിച്ചു വളർന്ന ജയന്ത് നായർ മുംബൈ മുളുണ്ടിലാണ് കുടുംബസമേതം താമസിക്കുന്നത്. ആലപ്പുഴ മാവേലിക്കരയാണ് സ്വദേശം.
